प्रधानमन्त्री पुष्पकमल दाहाल ‘प्रचण्ड’ ले १० वर्षमा १० हजार मेगावाट बिजुली निर्यात हुने दावि गरेका छन् । स्वतन्त्र ऊर्जा उत्पादकको संस्था नेपाल (इप्पान) को २२ औँ वार्षिक साधारण सभाका अवसरमा आज आयोजित कार्यक्रमलाई संबोधन गर्दै प्रधानमन्त्री प्रचण्डले एक दशकमा १० हजार मेगावाट बिजुली निर्यात हुने दावि गरेका हुन् ।
प्रधानमन्त्री प्रचण्डले भारत मात्र नभएर बङ्गलादेशले समेत नेपालको बिजुली लैजाने गरी शीघ्र सम्झौता भएकाले निजी क्षेत्रलाई ढुक्क भएर उत्पादनमा लाग्न आग्रह समेत गरेका छन् ।
पेट्रोलियम पदार्थको आयात घटाउने तथा विद्युतीय उपकरण र गाडीलाई प्रोत्साहन गर्ने सरकारको योजना रहेको बताएका उनले १० हजार मेगावाट बिजुली निर्यात गर्ने अवस्था समृद्धिको यात्राका लागि ऐतिहासिक उपलब्धि हुनेमा समेत विश्वास व्यक्त गरेका छन् ।
