नेपाली बाहुल्य राष्ट्र अमेरिकामा पछिल्लो केही बर्ष यता अमेरिकी राजनितिमा नेपालीहरुको प्रवेश र प्रतिस्पर्धा प्रशंसनिय र गौरव योग्य रहँदै आएको छ । यसै विच अमेरिकी संसदका लागि भर्जिनियाको १० औं कंग्रशनल डिस्ट्रिक्टबाट नेपाली मूलका एड्रियन पोखरेलले पनि यस पटकको प्राईमरी निर्वाचनमा प्रतिस्पर्धा गर्दैछन् ।
अमेरिकाको प्रतिनिधिसभाकी डेमोक्रेटिक सांसद जेनिफर वेक्सटन स्वास्थ्यको कारणले गर्दा सिट खुला छोडेर पुन निर्वाचन गर्नु परेको सो क्षेत्रमा आगामी जुन १८ मा हुने प्राइमरी निर्वाचनका लागि प्रतिस्पर्धामा रहेका पोखरेल संगै १३ जना उमेद्वारहरु चुनावी मैदानमा छन् ।
फण्डरेजले शिर्ष महत्व राख्ने अमेरिकामा साँसद पदका लागि मार्च ३१ सम्मको रिपोर्ट अनुसार पोखरेलको फण्डरेज १ लाख १८ हजार १ सय २८ डलर रहेको छ । यस अघि पनि डेमोक्रेटिक सांसद वेक्सटन विजेता रहेको यस क्षेत्रमा पोखरेलको विजयको समेत अपेक्षा गरिएको छ ।
नेपालको धरान–१४, विजयपुरमा जन्मेका एड्रियन पोखरेलले सन् २००८ मा सान ज्याकिन्टो कलेजबाट विजनेश एड्मिनिष्ट्रेशनमा एसोसिएट डिग्री तथा सन् २०१० मा टेक्सासको ह्युस्टन विश्वविद्यालयबाट फाइनान्समा स्नातक गरेका थिए । आफ्नो अध्यनका लागि लामो समय टेक्सास बसेर भर्जिनिया सरेका थिए । जसले सन् २०१६ मा अमेरिकी सैन्य विश्वविद्यालयबाट इन्टेलिजेन्स अध्ययनमा मास्टर डिग्री हासिल गरेका थिए ।
तीन भाषाहरूमा दक्षता हासिल उनि सन् २००८ देखि २०२२ सम्म अमेरिकी सेनामा कार्यरत रहेका थिए । गुप्तचर अधिकारीको रूपमा समेत काम गरेका पोखरेललेको उमेद्वारीलाई भर्जिनियाका नेपाली समुदायले अझ बढि महत्वका साथ हेरेका छन् ।
