रुसी राष्ट्रपति भ्लादिमिर पुटिनले अमेरिका र युरोपेली राष्ट्रको नजिकै मिसाइल तैनाथ गर्ने चेतावनी दिएका छन् । युक्रेनलाई प्रयोग गरेर अमेरिका र युरोपेली देशहरूले रुसमा आक्रमण गर्ने योजना बनाएको आरोप सहित राष्ट्रपति पुटिनल अमेरिका र युरोपेली देशहरुको नजिकमा मिसाईल राख्ने चेतावनी दिएका हुन् ।
अमेरिका र युरोपेली देशहरूले युक्रेनलाई दिएका हतियारबाट रुसी भूमिमा ती देशहरुको नजिकै अन्तर महादेशीय आणविक मिसाइल तैनाथ गर्ने चेतावनी दिएका पुटिनले रुस चुपचाप रहन्छ र कहिल्यै आणविक हतियारको प्रयोग गर्दैन भन्ने भ्रममा नबस्न पश्चिमा देशहरूलाई चेतावनी दिएका हुन् ।
कसैले रुसको सार्वभौमसत्ता र क्षेत्रीय अखण्डता खतरामा पार्ने कोशिश गर्ने जुन सुकै देशलाई रुसले आणविक हतियार प्रयोग चेतावनी समेत दिएका पुटिनले अमेरिकाले युक्रेनलाई गर्दै आएका सहयोगको सबै भन्दा धेरै विरोध गरेका छन् । केही समयअघि अमेरिकी राष्ट्रपति जो बाइडेनले अमेरिकाले दिएका केही हतियार प्रयोग गरेर युक्रेनले रुसमा आक्रमण गर्न सक्ने अभिव्यक्ती दिएसंगै रुष्ट बनेका पुटिनले यदि यस्तो भएका रुस चुप लागेर नबस्ने र पश्चिमा देशहरूले ठूलो मूल्य चुकाउनुपर्ने चेतावनी पनि दिएका छन् ।
