प्रधानमन्त्री पुष्पकमल दाहाल प्रचण्डले सरकार सहकारी समस्याका विषयमा गम्भिर भएको बताएका छन् । सहकारी केन्द्र नेपालको प्रथम राष्ट्रिय सम्मेलनको आज काठमाण्डौमा उद्घाटन गर्दै प्रधानमन्त्री प्रचण्डले सहकारी क्षेत्रमा देखिएका समस्याको सम्बोधन गर्न सरकारले नीतिगत र व्यावहारिक समाधानका विभिन्न उपाय अवलम्बन गर्दै आइरहेको बताएका हुन् ।
सरकारले बचत तथा ऋण सहकारीलाई आपसमा गाभिन सहजीकरण गर्ने तथा बचत तथा ऋण सहकारी संस्थामा देखिएको समस्या समाधानका लागि समस्याग्रस्त सहकारीका सञ्चालक र एकाघरको परिवारको सदस्यका नाममा रहेको सम्पत्तिको धितोको सुरक्षणमा पाँच लाख रुपैयाँ सम्मका बचतकर्ताको रकम फिर्ता गर्ने व्यवस्था मिलाउने लगायतका व्यवस्था बजेटमा समेत समेटिएको स्मरण गर्दै प्रधानमन्त्री प्रचण्डले सहकारीमा पछिल्लो समय देखिएको समस्या समाधान हुने प्रतिवद्धता व्व्यक्त गरेका छन् ।
समितिले सहकारी क्षेत्रको समस्यालाई दीर्घकालीन समाधानमा आवश्यक सुझाव पनि प्रस्तुत गर्ने विश्वास व्यक्त गरेका प्रचण्डले सङ्कटग्रस्त एवम् समस्याग्रस्त सहकारीको अवस्था, बचतकर्ताको निक्षेप अपचलन भए\नभएको अध्ययन, दोषीमाथि कारबाहीको सिफारिस र समस्या समाधानका लागि सुझाव प्रस्तुत गर्न अधिकार सम्पन्न संसदीय समिति गठन गरिएको बताए ।
