शुष्मा देवकोटा \काठमाडौं २६ जेठ
साहित्यकार बिटु केसीको गजल तिमी छौ त्यसैले सार्वजनिक भएको छ । राज सागरको संगीत र स्वर रहेको केसीको ‘तिमी छौ त्यसैले’ नागीला यूटुव च्यानल मार्फत सार्वजनिक भएको हो ।
उदयराज पौडेलको संगीत सृजनामा निर्मित गीतमाथी बनेको लिरिकल भिडियोलाई विष्णु खड्काले तयार पारेका हुन् । सफल मोशन पिक्चर्सको पोष्ट पोड्क्सन रहेको गीतको कभर पोस्टरमा गजलकार केसीका श्रीमान बरिष्ठ पत्रकार तारा बराललाई पनि देख्न सकिन्छ ।
जीवनको दशकौं लामो यात्रा पार गरेका यि जोडी नेपाली पत्रकारिता र साहित्य क्षेत्रमा एक अर्काको सारथी बनेर अघि बढिरहेको जोडी हो । सार्वजनिक गजल ‘तिमी छौ त्यसैले’ मा पनि यो प्रेमाभाव झल्किएको छ । सालिन प्रेमको गहिराई र महत्वलाई कोमल शैलीले उठान गरिएको गजलले नेपाली साहित्य र संगीत क्षेत्र संवद्ध व्यक्तीहरुको सकारात्मक प्रतिकृया पाईहरको छ ।
गजलकार विटु केसीका यस अघि ‘यि आँखाले’, ‘आज फेरी घरी-घरी’, ‘आधा मन लगायतका गीत तथा गजल साथै मुक्तक संग्रह ‘मायाको मात’ सार्वजनिक छन् ।
