नेपाली संगीत क्षेत्रका चर्चित गायक यम बरालको नयाँ गीत सार्वजनिक भएको छ । डीपी खनालको शब्द तथा गायक बराल स्वयंमको लय सृजना रहेको ‘बाख्रा करायो’ गीत गायक बराल र चर्चित गायिका शान्ति श्री परियारको युगल आवाजमा भिडियो सहित सार्वजनिक भएको हो ।
ग्रामिण परिवेशको पृष्ठभुमिमा तयार गरिएको गीतमा नेपाली टीपिकल शब्दहरुको कलात्मक प्रयोग गरिएको छ । गायक बराल समेत मुख्य भूमिकामा देखिएको यस गीतमाथी बनेको म्युजिक भिडियोमा बराल संगै कृष गुरुङ, जुना कार्की र चन्द्र राना मगरको अभिनय रहेको छ ।
विशाल थापाको छायाँकन तथा केशव राज भट्टको निर्देशनमा निर्माण भएको बाख्रा करायो गीतको भिडियोलााई दिन्सन शाहले सम्पादन गरेका हुन् ।
गायक यम बराल नेपाली सुगम तथा चलचित्रका गीतहरुमा अत्यन्त चर्चित नाम हो । यस अघि बादलुको घुम्टोले ईलाम बजार, मन रहे पो माया प्रिति, निश्ठुरीले छाडेर गइहाली, अब चोटहरुले पिरोल्दैन मलाई, दोधारे मायालु लगायतका कयौं चर्चित गीतहरुका गायक बराल निरन्तर संगीत क्षेत्रमा रुचाईएको नाम हो । यस पटक बराल लय सृजना सहित नेपाली लोक गायन विधामा अझ फराकिलो गरी देखा परेका छन् । जसको अभिनय समेत बेजोड देखिन्छ ।
रिपोर्टर्स क्लब अमेरिकाको प्रस्तुतिमा अमेरिकाको टेक्सासमा छायांकन गरिएका तीज गीतहरु , हेर्नु होस्।
