अमेरिकाको मेरिल्याण्ड राज्यमा एक नेपाली आफ्नै अपार्टमेन्टमा मृत फेला परेका छन् । नेपालको पर्वत जिल्लमा जन्मिएका घर भै हाल मेरिल्याण्डमा बसोबास गर्दै आएका ४७ बर्षिय शान्तलाल प्रधान आफु वस्दै आएको अपार्टमेन्टमा मृत फेला परेका हुन् ।
सन् २०१५ मा अमेरिका आएका प्रधान झण्डै १० बर्षपछि नेपाल फर्कने तयारीमा समेत रहेका थिए । नेपालमा पत्नी, एक छोरा र एक छोरीका सहितको परिवार रहेका प्रधानको निधनले सिंगो परिवार थप संकटमा परेको छ । घरको मुल सदस्यको निधनले छोराछोरीको भविश्य समेत अन्यौलमा पर्ने भएपछि उनको परिवारको सहयोगार्थ अमेरिकाबाट गो फण्डको संचालन गरिएको छ ।
आफ्नो काम सकेर दिउँसो आफ्नो अपार्टमेण्ट फर्किएका उनि पालो दिएका साथी राती घर पर्कदाँ उनलाई मृत फेला पारेका थिए । उनको मृत्यु किन र कसरी भयो भन्नेबारे आधिकारिक जानकारी आउन बाँकी नै छ । उनको मृत्युको एकिन कारण पत्ता लागेपछि मात्र शव नेपाल लग्न पाउने सहमती भएको छ ।
स्व प्रधान २७ अगष्टका दिन दिउसो २ बजे कोठामा फर्केका थिए । उनलाई पालो दिने उनका मित्र घर फर्कदा मृत अवस्थामा फेला पारेका थिए । नेपाल रहँदा शिक्षण पेसामा समेत आवद्ध प्रधान सन् २०१५ मा अमेरिका आएको आएका थिए भने सन् सन् २०२२ मा मेरिल्याण्ड ब्यापार गर्न आएका थिए ।
गो फन्ड मार्फत सङ्कलन गरिएको रकम स्वदेश फिर्ता खर्चहरूमा प्रयोग गरिनेछ बताईएको यस दुखद घटनामा अन्त्येष्टि खर्च र अन्य आर्थिक आवश्यकताहरूलाई सहयोग अपिल गरिएको गो फण्डमा संकलित रकम उनको परिवारलाई हस्तान्तरण गरिने उल्लेख छ । मेरिल्याण्डका बिधान सभा सदस्य (सांसद)डा ह्यारी भण्डारीको पहलमा प्रधानको शव नेपाल पठाउने तयारी भै सकेको छ ।
अमेरिकामा पछिल्लो एक महिना यता लगातार आफ’नै घर भित्र नेपालीहरु मृत फेला परिरहेका छन् । यसअघि मनाससमा हत्या भएकी ममता काफ्लेको कारुणिक घटनाले सेलाउन नपाउँदै टेक्सासमा पनि नेपाली चेली मुना पाण्डेको आफ्नै अपार्टमेण्ट भित्र हत्या भएको थियो ।
स्व प्रधानको शव नेपाल पठाउन र परिवारलाई सहयोग गर्न चाहनुहुनेहरुले क्लिक गर्नुहोस्
