विगत २ वर्षदेखि कोलोन क्यान्सरबाट पीडित अमेरिकाको वाल्टिमोर निवासी दिपक पुडासैनीको औसधोपचारबा लागि सहयोगको आवश्यकता देखिएको छ । यस अघि पटक पटक गरी ३ अप्रेसन र करीब १६ किमोको पिडा खपिसकेका पुडासनीको पछिल्लो शल्यक्रिया समेत दोहोर्याएर गर्नु परेपछि आर्थिक कठिनाई थपिएको हो ।
यस अघि अगष्ट २८ तारिखका दिन बाल्टिमोर स्थित मेरिल्याण्ड युनभर्सिटिजमा १४ घण्टा लामो हाई प्याक सर्जरी सफलतापुर्वक सम्पन्न भएतापनि ८ घण्टा नपुग्दै अन्य समस्या आएपछि २९ तारिखका दिन पुडासैनीको दोहोर्यार पुन सर्जरी गरिएको थियो ।
आजभन्दा ४ वर्ष अगाडि श्रीमती र २ छोर सहित अमेरिकामा आएका पुडासैनी विगत २ बर्षयता पटक पटक अस्पताल भर्ना र महंगो उपचार खर्चका कारण आर्थिक कठिनाईमा छन् । दोस्रो पटकको सल्यक्रिया पश्चात यतिवेला अपस्तालमा नै राखेर उपचार गर्नुपर्ने भएपछि सहयोग खाँचो देखिएको हो ।
लामो समय पुडासनी अस्पताल बस्नु पर्ने र उनकी श्रीमती समेत काममा नगई उनको रेखदेख गर्नुपर्न अवस्था परिवारमा सृजना भएको छ । बच्चाहरुको हेरचाह गर्ने कोही नभएपछि १ महिना पहिले उनका पिता समेत अमेरिका आएका छन् ।
