डालस, टेक्सास – अमेरिकामा स्थापित तथा पूर्वाधार विकासमा क्रियाशील संस्था AECOM मा कार्यरत नेपाली इञ्जिनियर सूर्य भण्डारीलाई दुई वर्षको सफल People Manager भूमिकापछि Staff Leader मा पदोन्नति गरिएको छ। साथै, अमेरिकी स्थापत्य समाज ASCE (American Society of Civil Engineers) Dallas Branch ले उनलाई २०२५ को ‘Engineer of the Year’ सम्मानले विभूषित गरेको हो ।
ASCE डलास ब्राञ्चको तर्फबाट पठाइएको बधाई सन्देशमा भनिएको छ:
“तपाईंको समर्पण, आत्मा र नेतृत्वले इञ्जिनियरिङ समुदायमा उच्च मानक स्थापना गरेको छ। यो सम्मान तपाईंको निरन्तरता, दक्षता र समाज सेवा प्रतिको समर्पणको प्रतिबिम्ब हो।”
इञ्जिनियर भण्डारीले यो अवसरमा भावुक प्रतिक्रिया जनाउँदै आफ्ना स्व. बुबाको सपना साकार भएको उल्लेख गर्दै आमासहित सम्पूर्ण नेपाली परिवारप्रति कृतज्ञता व्यक्त गरे।
उनले भने: “आज मेरो बुबा स्वर्गबाट हेर्दै हुनुहुन्छ, म उहाँको सपना बाँच्दै छु । मेरी आमाले र नेपालमा रहेका परिवारजनले हरेक पल मलाई सफल देख्ने सपना देखिरहनुभएको छ।”
त्यस्तै, उनले आफ्नी पत्नीप्रति पनि गहिरो कृतज्ञता प्रकट गर्दै भने : “उनको त्याग र समर्पणले मलाई सामाजिक सेवा र इञ्जिनियरिङ समुदायमा योगदान दिन सहज बनाएको छ।”
भण्डारीले Lions District 2-X1, Dallas Everest Lions Club (DELC), AECOM का सहकर्मीहरू, अमेरिका र नेपालका साथीभाइ तथा आफन्तजनहरूप्रति विशेष धन्यवाद ज्ञापन गरे।
यस अवसरमा उनले ASCE Dallas का President Fadi Faraj, Nancy Straub Cline, Sean Merrell, Reece Taylor, Mark Boyd, Brayden Hoffman, Amanda Koif लगायत सम्पूर्ण नेतृत्व टोलीलाई स्मरण गर्दै आभार व्यक्त गरे।
“पछिल्लो एक दशकदेखि मैले पाएको साथ, माया र प्रेरणाले आजको म बनाएको हो,” उनले लेखे। उनको यो उपलब्धिले सम्पूर्ण प्रवासी नेपाली समुदायमा गर्व र प्रेरणा थपेको छ।
