किशन रेग्मी
संगीतको भाषा हुँदैन, यो महशुष हो । यद्यपी संगीत विस्तारका निम्ति शाब्दिक लय भने पकड्नै पर्ने हुन्छ । त्यसैले सायद संगीतकर्मीको मौनता भित्र पनि गहिरो अर्थ छ । उ मौन रहनु, एक नयाँ सृजनाका निम्ति साधानामा रहनु पनि हो । नेपाली संगीत क्षेत्रका त्यस्तै एक मौन संगीत साधक हुन् हुन् एस.डी. योगी ।
दाङ्गको लमहीमा जन्मिएका गायक तथा संगीतकार एस.डी. योगी भारतको लखनउबाट संगीतको औपचारिक ज्ञान लिएर २०७० सालमा नेपाल फर्किएका युवा संगीतकर्मी हुन् । शिक्षक पिताको सपनालाई पुरा गर्न ईन्जिनियरिङ्ग पढ्ने सोचले विज्ञान विषय लिएर उच्च शिक्षा सुरु गरेका उनि यतिबेला नेपाली संगीतका विविध साँगितिक र प्राविधिक विधामा कुशल दक्षता राख्ने संगीतकारका रुपमा परिचित छन् ।
दर्जनौं चलचित्र र विभिन्न विधाका हजारौं चर्चित गीतहरुमा आफ्नो संगीत र स्वर भरेका एस डीका ग्लोवल ट्रेन्डिङ्ग गीत ‘रुकुमैकोट’ साथै ‘आँखामा सपना केसरी’, ‘फुलको बाटो’, ‘विन्जुरी’, सारी कुर्ता, ‘चन्द्रमा’, धागो लगायत गीतहरु पछिल्ला बर्षहरुमा निरन्तर सर्वाधिक सफल रहँदै आएका छन् ।
सानैबाट अन्तरमूखि स्वभावका एस.डी.को संगीत यात्रा अन्य संगीतकर्मीको भन्दा फरक छ । अधिकांस कलाकार सानैबाट गीत गाउने, स्टेज चढ्न मन गर्ने स्वभावका भेटिन्छन् । तर एस डी गाउँछन् , यो कुरा उनले बाल्यकाल र किशोरावस्थामा लामो समय विताएको गाउँ, घर र साथीभाईलाई समेत थाहा थिएन । न ठुलो, सपना, न धेरै महत्वकाँक्षा, न चर्चाको लोभ न असफलताको डर । एस डी उनको थर जस्तै योगि अदामा नेपाली साँगीतिक क्षेत्रमा अघि बढिरहेछन् ।
वर्तमान दशकका सर्वाधिक सफल संगीतकर्मी मध्यका एक उनि आफु भने सरलतामा नै सजिलो मान्दछन् । मिडियामा आफ्ना सृजना बहुचर्चित भै रहँदा उनि भने एकान्तमा नयाँ धुनसंग खेलिरहेका भेटिन्छन् । जसरी उनि सानो छँदा कसैलाई नसुनाएका गीत निर्जन जंगललाई सुनाउँथे, उनि एक्लै उभिने गाउँका गोरेटोले सुन्थे उनको गुनगुनाहट । सुनेका गीत मनमनै अभ्यास गरेर प्रकृतिलाई मात्र सुनाउने उनको अन्दाजले उनका गीतमा प्रसस्त नेपाली मौलिक मिठास भेटिन्छ ।
राम्रा गीतकार पनि हुन् उनि त्यसैले पनि आफुसम्म आउने शब्दको मर्म र माधुर्यता दुबैमा उनको कुशलता देखिन्छ । जसले गर्दा नेपाली जन जिवनका लागि त्यो गित आफ्नो कथा बनिदिन्छ । यसरी एस डी योगी पर्दा पछाडी रहेरै पनि देश विदेशका नेपाली स्रोता, दर्शक माझ प्रिय छन् ।
