गैरआवासीय नेपाली संघ (एनआरएनए) राष्ट्रिय समन्वय परिषद् (एनसीसी) अमेरिकाको आगामी कार्यकाल २०२५–२०२७ का लागि भानु खरेलले अध्यक्ष पदमा उम्मेदवारी घोषणा गरेका छन्।
उम्मेदवारी घोषणा गर्दै खरेलले एनआरएनएको गुमाउँदै गएको प्रतिष्ठा पुनःस्थापना गर्ने, विभाजित समूहहरूलाई एकजुट गर्ने र संगठनलाई यसको मौलिक उद्देश्यतर्फ फर्काउने प्रतिबद्धता व्यक्त गरेका छन्।
उनले भने, “हामी सबै मिलेर एनआरएनएलाई फेरि ऊर्जाशील, समावेशी र विश्वसनीय संस्था बनाउनेछौं। सबैको आवाज सुन्ने र समेट्ने वातावरण बनाउने मेरो दृढ निश्चय छ।”
विगतमा सामाजिक, शैक्षिक र सामुदायिक क्षेत्रका विभिन्न पहलहरूमा सक्रिय रहँदै आएका खरेलले अब एनआरएनए अमेरिकाको नेतृत्व सम्हालेर एकता, पारदर्शिता र उत्तरदायित्वमा आधारित कार्यशैली विकास गर्ने अठोट व्यक्त गरेका छन्।
सदस्य तथा शुभेच्छुकहरूलाई अपिल गर्दै उनले भनेका छन्, “हामी सबैको सकृय सहभागिता नै सफल नेतृत्वको आधार हो। तपाईंको मतले मात्र होइन, तपाईंको साथ र योगदानले नै संस्थाको दिशा तय गर्छ।”
