काठमाडौं,
–नेपाली संस्कृतिको मौलिक चाड हरितालिका तीजको अवसरमा ‘तिजमा लुखुरी माइत दुकुरी’ बोलको नयाँ गीत सार्वजनिक भएको छ।
सामाजिक सन्देश, महिला भावनाको गहिरो चित्रण, र ग्रामीण शैलीको मौलिकपन बोकेको यस गीतले महिलाहरूको माइतीप्रतिको मायालु भावना, पीडा र परम्परागत तीज मनाउने शैलीलाई उजागर गरेको छ।
गीतमा शान्ति श्री परियारको दमदार आवाज, शान थापाको शब्द तथा निर्देशन र ऋषि खड्काको संगीत रहेको छ। गीतको छायांकन र सम्पादन Kendra Motion मार्फत गरिएको हो।
मुख्य आकर्षण:
- स्वर: शान्ति श्री परियार
- शब्द / निर्देशन: शान थापा
- संगीत: ऋषि खड्का
- मोडल: सुशिला थापा, करिश्मा केसी
- कोरियोग्राफी: राजिब समर (सहायता: रोशन बिके)
- निर्माण: Kendra Motion
गीतको भिडियोमा ग्रामीण परिवेश, परम्परागत पोशाक, र महिलाको भावनात्मक उतारचढावलाई गहिरो रूपमा प्रस्तुत गरिएको छ। निर्देशक शान थापा भन्छन्, “आफ्नै शब्दमा भिडियो बनाउनु सबैभन्दा चुनौतीपूर्ण हुन्छ, किनभने निर्देशनको दृष्टिकोण शब्दअनुसार धेरै फरक र संवेदनशील हुनुपर्छ।”
भिडियोमा कुनै किसिमको बनावटीपन नभई, पूर्ण रूपमा नेपालीपन झल्काउने दृश्यहरू समेटिएका छन्। गीतलाई छाडा गीत होइन, यथार्थ बोल्ने सांगीतिक कथाका रूपमा लिन सकिन्छ।
टिपिकल नेपाली तिज गीत खोज्नेहरूका लागि यो गीत एक सशक्त सन्देश हो। भिडियो सार्वजनिक भएलगत्तै सामाजिक सञ्जालमा दर्शकको सकारात्मक प्रतिक्रिया पाइरहेको छ।
गीत हेर्नुहोस्:
