टेक्सस, अमेरिका – गैर आवासीय नेपाली संघ (एनआरएनए) अमेरिका टेक्सस च्याप्टरको कार्यकाल २०२५–२०२७ का लागि नयाँ अध्यक्ष पदमा श्री निलेश श्रेष्ठ निर्वाचित भएका छन्।
श्रेष्ठको विजयसँगै टेक्सस च्याप्टरमा नयाँ नेतृत्वको सुरुवात भएको छ। सामाजिक गतिविधिमा सक्रिय रहँदै आएका श्रेष्ठले अबको कार्यकालमा समुदायको हकहित र प्रवासी नेपालीबीचको एकता मजबुत बनाउने प्रतिवद्धता जनाएका छन्।
रिपोर्टर्स क्लब अमेरिका परिवारले श्रेष्ठलाई अध्यक्ष पदमा निर्वाचित भएकोमा हार्दिक बधाई दिएको छ र उनको कार्यकाल सफल र फलदायी होस् भन्ने शुभकामना व्यक्त गरेको छ।
एनआरएनए टेक्सस च्याप्टरले प्रवासी नेपालीहरूको प्रतिनिधित्व गर्दै विभिन्न सामाजिक, सांस्कृतिक तथा जनसम्पर्कमूलक कार्यक्रम सञ्चालन गर्दै आएको छ।
