टेक्सास, अमेरिका – नेपाली समाज टेक्सास (NST) का महासचिव बिजय भुसालले आगामी कार्यकाल (२०२६–२०२७) का लागि अध्यक्ष पदको उम्मेदवारी औपचारिक रूपमा घोषणा गरेका छन्।
भुसालले आफ्नो दुइ कार्यकालको अनुभव, टिम नेतृत्व र समुदायप्रतिको समर्पणलाई आधार मानेर समाजको हित, एकता, सहयोग र सामूहिक प्रगतिलाई अझ सुदृढ बनाउन आफ्नो उम्मेदवारी दिएको बताए। उनले आगामी कार्यकालमा समाजलाई गतिशील, प्रभावकारी र सबैको प्रतिनिधित्व हुने संस्थाको रूपमा अघि बढाउने पूर्ण विश्वास व्यक्त गरे।
भुसालले आफ्नो विस्तृत एजेन्डा र कार्ययोजना छिट्टै सार्वजनिक गर्ने प्रतिज्ञा पनि गरेका छन्। समाजप्रति देखाइएको माया, विश्वास र सहयोगका लागि उनले सबै सदस्य तथा समुदायजनलाई धन्यवाद व्यक्त गरे।
बिजय भुसाल
महासचिव (२०२४–२०२५)
कार्यसमिति सदस्य (२०२२–२०२३)
अध्यक्ष उम्मेदवार (२०२६–२०२७)
नेपाली समाज टेक्सास (NST)
विजय भुसालले आफ्नो सामाजिक संजालमा पोस्ट गरेको सार्बजनिक अपिल सहितको उम्मेद्वारी घोषणा
नेपाली समाज टेक्सासका आजिवन, बिधार्थी तथा साधरण सदस्यज्युहरू, सम्मानित समुदायजन नमस्ते !
यहाँहरूको विश्वास, माया र साथले मलाई नेपाली समाज टेक्सासमा सदस्य र महासचिवको रूपमा सेवा गर्ने अवसर प्रदान गर्नुभएकोमा म हार्दिक आभार प्रकट गर्दछु। साथै मेरो दुइ कार्यकालमा सहयोग गर्नुहुने टिमको नेर्तृत्व र कार्यसमिती परिवारलाइ हार्दिक आभार व्यकत गर्दछु । समुदायप्रतिको समर्पण, तपाईंहरूको निरन्तर सहयोग र संस्थाको विकासका लागि देखाउनुभएको प्रतिबद्धताले मलाई अझै जिम्मेवार, पारदर्शी र सक्रिय भएर काम गर्न प्रेरित गरेको छ।
समाजको हित, एकता, सहयोग र सामूहिक प्रगतिलाई अझ मजबुत बनाउने उद्देश्यका साथ आज, म नेपाली समाज टेक्सासको अध्यक्ष पदको उम्मेदवार हुने आफ्नो निर्णय औपचारिक रूपमा घोषणा गर्न चाहन्छु।
माथि उल्लेखित दायित्वहरू बहन गर्ने क्रममा मैले समुदायको आवश्यकता नजिकबाट बुझ्ने अवसर पाएँ। त्यो अनुभव र यहाँहरूको निरन्तर प्रोत्साहनकै आधारमा, आगामी कार्यकालमा समाजलाई अझ गतिशील, प्रभावकारी र सबैको प्रतिनिधित्व हुने संस्थाको रूपमा अघि बढाउन सकिने पूर्ण विश्वास लिएको छु। बिस्तृत एजेन्डाहरू र मेरा कार्ययोजनाहरू छिट्टै सार्बजनिक गर्ने प्रण गर्दछु ।
अन्त्यमा, नेपाली समाज टेक्सासप्रति यहाँहरूले देखाउनुभएको माया र अटुट साथका लागि पुनः हृदयदेखि धन्यवाद व्यक्त गर्दछु। आगामी दिनमा अझ सक्रिय भएर सेवा गर्ने प्रतिज्ञा गर्दै, तपाईंहरूको सुझाव, मार्गदर्शन र सहयोगको अपेक्षा गर्दछु।
बिजय भुसाल
महासचिब
(2024-2025)
कार्यसमिती सदस्य
(2022-2023)
अध्यक्ष उम्मेदवार
(2026-2027)
नेपाली समाज टेक्सास
