राम प्रसाद अधिकारी
नेपाली समाज टेक्सस (NST) को आगामी कार्यकाल २०२६–२७ का लागि महासचिव पदमा प्रबिश श्रेष्ठले आफ्नो उम्मेदवारी घोषणा गरेका छन्। उनले यसअघि दुई वर्षसम्म संस्थाको युवा संयोजकको रूपमा सेवा गर्दै आएका थिए।
लामो समयदेखि टेक्ससमा बस्दै र समुदायसँग नजिकबाट काम गर्दै आएको अनुभवले समाजका आवश्यकता र चुनौतीहरू बुझ्न मद्दत भएको बताउँदै, उनले पारदर्शी नेतृत्व, प्रभावकारी संवाद र सेवामुखी सोचका साथ NST लाई अझ सक्रिय र परिणाममुखी बनाउन योगदान गर्ने प्रतिबद्धता व्यक्त गरेका छन्।
उनका अनुसार, NST को कार्यक्षमता वृद्धि, युवा तथा विद्यार्थीमैत्री कार्यक्रमहरूको विस्तार तथा संस्थाभित्र एकता र समावेशिताको वातावरण निर्माण आगामी कार्यकालका प्रमुख प्राथमिकता रहनेछन्।
समुदायको साथ, सहयोग र सुझावका आधारमा NST लाई अझ जीवन्त, एकीकृत (unified) र सबैलाई समेट्ने संस्थामा रूपान्तरित गर्न आफू तयार रहेको उनले बताएका छन्।
