राम प्रसाद अधिकारी
टेक्सास (अमेरिका) — नेपाली समाज टेक्सास (NST) को नयाँ कार्यकाल २०२६–२०२७ का लागि हुन गइरहेको निर्वाचन नजिकिँदै जाँदा उम्मेदवारहरूको अभियान तीव्र बन्दै गएको छ। यही क्रममा टिम विजयबाट बरिष्ठ उपाध्यक्ष पदका उम्मेदवार जिवलाल भुसाल लाई सक्षम, कर्मठ र भरोसायोग्य नेतृत्वका रूपमा समुदायले हेर्न थालेको छ।
आगामी डिसेम्बर १३, शनिबार हुने निर्वाचन श्री पशुपतिनाथ तथा बुद्ध बिहार, यूलेस (Texas) मा हुने तय गरिएको छ। उक्त निर्वाचनमा अध्यक्ष पदका लागि दुई समूहबीच प्रतिष्पर्धा हुँदैछ—एक समूहबाट विजय भुसाल र अर्को समूहबाट जनक भण्डारी मैदानमा छन्।
“बोलिभन्दा काममा विश्वास गर्ने” व्यक्तित्वका रूपमा परिचित जिवलाल भुसालले अघिल्लो कार्यकालमा सदस्य पदमा रहेर पनि संस्थाका लागि अहोरात्र खटिँदै आफ्नो जिम्मेवारी इमान्दारिताका साथ निर्वाह गरेका थिए। औपचारिक पदको सीमाभन्दा माथि उठेर संस्थाको हितमा काम गर्ने उनको भूमिका समुदायभित्र व्यापक रूपमा प्रशंसित छ।
सस्थागत अनुशासन, निरन्तर सक्रियता र जिम्मेवारीप्रतिको प्रतिबद्धताकै कारण जिवलाल भुसाललाई यसपटकको निर्वाचनमा जिताउनैपर्ने उम्मेदवार का रूपमा धेरैले हेरेका छन्। अनुभवी र व्यवहारिक नेतृत्व नेपाली समाज टेक्सासका लागि आवश्यक रहेको बताउँदै समर्थकहरूले उनको उम्मेदवारीले संस्थालाई थप बलियो बनाउने विश्वास व्यक्त गरेका छन्।
नेपाली समाज टेक्सासको आगामी कार्यकाललाई स्थायित्व, पारदर्शिता र सक्रियताको दिशामा लैजान सक्षम उम्मेदवारका रूपमा जिवलाल भुसाल को उम्मेदवारीलाई समुदायले महत्वका साथ हेरिरहेको छ।
