राम प्रसाद अधिकारी, ड्यालस/अर्भिंग, टेक्सास —
किरात राई सोसाइटी अफ अमेरिका (KRSA) टेक्सास च्याप्टरको आयोजनामा परुहाङ सांस्कृतिक साँझ–४ (Paruhang Nite–IV) आयोजना हुने भएको छ।
डिसेम्बर २८, २०२५ (आइतबार) का दिन अर्भिंगस्थित मेटखाट रेस्टुरेन्ट, बार एण्ड बैंक्वेट मा साँझ ६:०० बजेदेखि सुरु हुने यस सांगीतिक कार्यक्रममा नेपालका चर्चित गायक जगदिश समाल र लोकप्रिय गायिका सत्यकला राई को विशेष प्रस्तुति रहनेछ।
किरात संस्कृति, परम्परा र पहिचानको संरक्षण तथा प्रवर्द्धन गर्ने उद्देश्यले आयोजना गर्न लागिएको यस कार्यक्रममा टेक्सास तथा आसपासका नेपाली समुदायको उल्लेख्य सहभागिता रहने अपेक्षा गरिएको छ। आयोजकका अनुसार कार्यक्रमले सांस्कृतिक एकता, आपसी सद्भाव र नयाँ पुस्तालाई मौलिक संस्कृतिसँग जोड्ने महत्वपूर्ण भूमिका खेल्नेछ।
कार्यक्रममा सहभागी हुन इच्छुक दर्शकका लागि डिनरसहित प्रवेश शुल्क ४० अमेरिकी डलर तोकिएको छ। कार्यक्रम स्थल 1800 Valley View Ln #104, Irving, TX 75061 मा रहेको छ।
थप जानकारी तथा टिकटसम्बन्धी विवरणका लागि
प्रदीप: 469-313-4152
दिलिन्द्र: 972-670-4929
ज्योति: 682-553-9202
अनिता: 214-493-3874
मा सम्पर्क गर्न आयोजकले अनुरोध गरेको छ।
