ड्यालस — गैरआवासीय नेपाली संघ (एनआरएनए) राष्ट्रिय समन्वय परिषद् (एनसीसी) अमेरिका अध्यक्ष विकास उप्रेतीको अध्यक्षतामा जनवरी ४, २०२६ मा सम्पन्न पूर्ण कार्यसमिति बैठकले सर्वसम्मत रूपमा ६ सदस्यीय प्याट्रोन कमिटी गठन गरेको छ।
नवगठित प्याट्रोन कमिटीको चिफ प्याट्रोन पदमा न्यु ह्याम्पशायर निवासी शिव राई चयन हुनु भएको छ।
त्यसैगरी प्याट्रोन सदस्यहरूमा टेक्सासबाट भुवन आचार्य, ओहायोबाट डा. सन्जु महतो, क्यालिफोर्नियाबाट डा. तारा सिग्देल र सुनिता सापकोटा कन्डेल तथा मेरिल्याण्डबाट कुलमणि आचार्य चयन हुनु भएको छ।
एनआरएनए एनसीसी अमेरिकाले नवगठित प्याट्रोन कमिटीले संस्थालाई आवश्यक मार्गदर्शन, सल्लाह तथा दीर्घकालीन हितमा महत्वपूर्ण भूमिका निर्वाह गर्ने विश्वास व्यक्त गरेको छ।
संस्थाका प्रवक्ता द्रोण गौतमले सामाजिक सञ्जालमार्फत शुभकामना सन्देश सार्वजनिक गर्दै चिफ प्याट्रोनसहित सम्पूर्ण प्याट्रोन कमिटी पदाधिकारीहरूलाई हार्दिक बधाई ज्ञापन गर्नुका साथै सफल, प्रभावकारी र उपलब्धिमूलक कार्यकालको शुभकामना व्यक्त गर्नु भएको छ।
