अमेरिका, अप्रिल ४, २०२६ — Non-Resident Nepali Association National Coordination Council USA (NRNA USA) को पूर्ण कार्यसमिति बैठक जुममार्फत सम्पन्न भएको छ। बैठक अध्यक्ष विकास उप्रेतीको अध्यक्षतामा बसेको हो।
बैठकले नेपालमा हालै सम्पन्न निर्वाचनपछिको नयाँ सरकार गठनप्रति स्वागत गर्दै प्रधानमन्त्री तथा मन्त्रिपरिषद्लाई बधाई ज्ञापन गरेको छ। साथै, शान्तिपूर्ण रूपमा निर्वाचन सम्पन्न गराउन भूमिका निर्वाह गर्ने सम्पूर्ण पक्षप्रति आभार व्यक्त गरिएको छ।
त्यसैगरी, अन्तर्राष्ट्रिय समन्वय परिषद (ICC) को नव–निर्वाचित नेतृत्वलाई पनि बधाई दिँदै सफल कार्यकालको शुभकामना व्यक्त गरिएको छ।
संस्थागत सुदृढीकरणतर्फ ध्यान दिँदै बैठकले अमेरिकास्थित NRNA को आधिकारिकता प्रक्रिया अघि बढाउने, टेनेसि राज्यमा आवश्यक अभिलेख अद्यावधिक गर्ने तथा सदस्यता अभियान सञ्चालन गर्ने निर्णय गरेको छ।
बैठकले आगामी जुलाई महिनामा अमेरिकामा NRNA USA को वार्षिक सम्मेलन बोस्टन राज्यमा आयोजना गर्ने निर्णय समेत गरेको प्रबक्ता द्रोण गौतमले जानकारी दिएका छन्।
बिज्ञप्ति
