टेक्सासको ड्यालसमा ९औं नेपाली न्यू इयर कप आयोजना हुने भएको छ । डिएफडब्ल्यु हिमालयज फुटबल क्लब, टेक्सासको आयोजनामा आउँदो जुन ८ र ९ तारिक का दिन ड्यालसमा न्यु इयर कपको नवौं संस्करण आयोजना हुने भएको हो ।
गत बर्ष मे २० र २१ तरिकका दिन टेक्सासको ओक ग्रोव पार्क सकर कम्प्लेक्समा आठौं कप सफलतापूर्वक सम्पन्न गरेको आयोजक संस्था डिएफडब्ल्यु हिमालयज फुटबल क्लबले यस प्रतियोगिता अमेरिकामा रहेका आप्रवासी नेपालीहरुबीच आपसी भाईचारा र आत्मियता कायम गर्ने उद्देश्यका साथ हरेक बर्ष आयोजना गर्दै आएको प्रतियोगिता हो ।
प्रतियोगितामा सहभागि हुन चाहने खेलाडीहरुका लागि अनलाईन टिम दर्ता खुल्ला गरिएको छ । टिमदर्ता गर्ने अन्तिम मिति यही मे ३१ तारीखसम्म रहेको छ । टिम दर्ता शुल्क ७ सय ५० डलर राखिएको छ ।
मेटा होरिजनसंगको सहकार्यमा आयोजना हुँदै गरेको प्रतियोगिताका विजेताले ५ हजार डलर र उप विजेताले २ हजार डलर सहित सम्मान पत्र प्राप्त गर्ने छन् ।
