अमेरिकाको टेक्सासमा विश्व रक्तदाता दिवस मनाईने भएको छ । आगामी जुन १३ तारिकबाट टेक्सासको वुडवे स्थित कार्टर ब्लड कियरमा रक्त संकलन सहितको ३ दिने विश्व रक्तदाता दिवस बनाईने भएको हो ।
मानव रक्त समूह पत्ता लगाउने वैज्ञानिक कार्ल ल्याण्डस्टिनरको जन्मदिन १४ जुनको अवसर पारेर मनाईंदै आएको विश्व रक्तदाता दिवस टेक्सासमा यो पटक एक दिन पहिलेबाट अर्थात जुन १३ तारिकबाट नै सुरु हुनेछ । जुन १३ तारिक विहिबारबाट सुरु हुने कार्यक्रम जुन १४ तारिक शुक्रबार र १५ तारिक शनिवारका दिन दिउँसो २ बजेसम्म संचालन हुनेछ ।
यस विषयमा आयोजक कमिटीले सार्वजनिक गरेको सुचनामा उल्लेख भए अनुसार जुन १३ तारिकका दिन विहान ९ बजेबाट साँझ ५ बजेसम्म रक्तदान सम्बन्धी कार्यक्रम हुनेछ भने १४ तारिक शुक्रबार पनि विहान ९ बजेबाट साँझ ५ बजेसम्म र कार्यक्रको अन्तिम दिन अर्थात जुन १५ तारिक शनिबार विहान ९ बजेबाट सुरु हुने कार्यक्रम दिउँसो २ बजे समापन हुनेछ ।
विश्व स्वास्थ्य संगठनको आह्वानमा सन् २००४ देखि विश्वभर मनाउन सुरु गरिएको रक्तदाता दिवसको अवसरमा आयोजित यस कार्यक्रममा संकलित रगत टेक्सासबासी विरामीको आवश्यकतामा प्रयोग गरिने छ । कार्यक्रममा सहभागि हुन ईच्छुक तथा थप जानकारी आवश्यकहरुका लागि आयोजक संस्थाले क्यूआर कोर्ड सहित सम्पर्क नम्बर पनि सार्वज्निक गरेको छ ।
