नेपाली समाज टेक्सासको ग्लोबल नेपाली पाठशालाले एक विशेष कार्यक्रम सहित स्प्रिङ सेसन २०२४ को दीक्षान्त समारोह सम्पन्न गरेको छ । पशुपतिनाथ मन्दिर तथा बुद्ध बिहारमा जनवरी २७, २०२४ देखि संचालन भएको यस सेसनमा फेस टु फेस र अनलाईन गरेर ३४७ जना विद्यार्थीहरु दीक्षित भएका छन ।
दिक्षित हुने विद्यार्थीहरुले कार्यक्रममा नेपाली पहिचान सहितका बिशेस सांस्कृतिक कार्यक्रमहरु लगायत आफ्नो प्रतिभा देखाएका थिए । नेपालीमूलका प्रवासी पुस्तालाई नेपालसंग जोड्ने अभियानको रुपमा संचालित यस पाठशालाले यस पटक नेपाली भाषाको तह एकमा ६७, तह दूईमा ३८, तह तीन र चारमा २१, युथ लिडरसिपमा ५१, कोडिङ तह एक र दुईमा १६, नेपाली नृत्यमा ५५, गणित ट्युटोरिङमा ३५ र योगा(मेडिटेसनमा १५ जना विद्यार्थीहरु दीक्षित गरेको छ ।
नेपाली समाज टेक्सासका अध्यक्ष राजेन्द्र वाग्लेको सभापतित्वमा आयोजित उक्त कार्यक्रमा विद्यार्थी तथा शिक्षकहरुलाई प्रमाणपत्र र प्रशंसा पत्र बितरण गरिएको थियो । विद्यार्थी तथा अविभावकको उल्लेख्य रुपमा सहभागिता रहेको उक्त कार्यक्रममा नेपाली सांस्कृतिक तथा आध्यात्मिक केन्द्रकी अध्यक्ष सीता सापकोटा, पाठशालाका प्रिन्सिपल डा। भोजबहादुर बलायर, युलेस सिटी काउन्सिल सदस्य टीका पौडेल, नेपाली समाज टेक्ससका अध्यक्ष राजेन्द्र वाग्ले एवम् महासचिव विजय भूषालले विद्यार्थीहरुलाई बधाई दिनका साथै अविभावकहरुलाई सहयोगको लागी धन्यवाद ज्ञापन गरेका थिए ।
यसका साथै कार्यक्रममा आउदो जुलाई २० तारिख देखि संचालन गरिने बिशेष समर क्याम्प र अगस्तको दोस्रो साता देखि संचालन गरिने फल सेसनको बारेमा समेत सबैलाइ जानकारी गराईएको थियो । कार्यक्रमको अन्त्यमा नेपाली समाज टेक्सासका अध्यक्ष राजेन्द्र वाग्लेले आगामी दिनमा पाठशालालाई अझै स्तरीय बनाउदै लैजाने प्रतिबद्धता सहित सम्पूर्ण शिक्षक, प्रिन्सिपल, सहायक प्रिन्सिपल लगायत पाठशाला परिवारलाई धन्यवाद दिनु भएको थियो ।
