गैर आवासिय नेपाली संघ (एनआरएनए) अमेरिकाले नेपाली युवा लक्षित स्पिच कम्टिसनको आयोजना गर्ने भएको छ । एनआरएनए अमेरिकाले आगामी मे ५ तारिकका दिन मेरिल्याण्ड राज्यको 9685 honeygo Blvd perry hall मा पब्लिक स्पिकिङ्ग कम्पिटिसनको आयोजना गर्ने भएको हो ।
एनआरएनए अमेरिका ट्रेड एण्ड टुरिज्म कमिटीले आयोजना गर्न लागेको यस कार्यक्रम अमेरिकामा नै जन्मिएका, हुर्किएका र उच्च अध्ययनका लागि अमेरिका आएका युवा लक्षित देखिन्छ ।
युवाको भावनात्मक, मनोगत, सृजनात्मक लगायतका महत्वपूर्ण अवस्थालाई प्रतिस्पर्धात्मक रुप दिएर आयोजना गर्न लागिएको यस स्पिच कम्पिटिसनमा १८ बर्षका किशोर-किशोरी देखी देखी २८ बर्ष सम्मका युवा-युवतीले सहभागी हुन पाउनेछन् । सहभागी प्रतियोगिले अंग्रेजी भाषामा आफ्नो स्पिच प्रस्तुत गर्नु पर्नेछ ।
आत्मविश्वासमा बृद्धि, शंवेदनशिल विचारमा सुधार, नेतृत्व योग्यता हासिल जस्ता महत्वपूर्ण विषयगत लक्ष्य बनाएको आयोजक कमिटीले सहभागिताका लागि अनलाईन प्रवेश फर्म खुल्ला गरिसकेको छ । जसमा उल्लेख भए अनुसार सो रजिस्ट्रेशन फर्म अप्रिल ३० तारिक सम्म मात्र खुल्ला रहने छ ।
मे ५ तारिकका दिन दिउँसो १ बजेबाट ४ बजेसम्म संचालन हुने यस प्रतिस्पर्धात्मक कार्यक्रमका विजयी वक्क्तालाई काठमाडौंका लागि फ्रि राउण्ड टिकट, फ्रि वन्जी जम्प, फ्रि जिपलाईन, दोना लेक ९ दिनको फ्रि ट्रेक, काठमाडौं, पोखरा, तानसेनका पर्यटकिय स्थल भ्रमण लगायतका विभिन्न ८ वटा महत्वपूर्ण अवसर पुरस्कार स्वरुप प्रदान गरिने छ ।
सहभागिताका लागि तलको लिंकमा गएर फर्म भर्नुहोस् ।
