अमेरिकाको टेक्सासमा एक नेपालीको मृत्यु भएको छ । नेपाली समाज टेक्सासका महासचिव विजय राज भुसालले दिएको जानकारी अनुसार नेपालको तनहुँ घर भै हाल टेक्सासको भिक्टोयिामा बसोबास गर्दै आएका गणेश बहादुर कुँवर सुतेकै अवस्थामा मृत फेला परेका हुन् ।
महासचिव भुसाललाई प्राप्त जानकारी अनुसार कामवाट आफ्नो अपार्टमेण्टमा फर्किएका कुँवर खाना खाएर स्वस्थ अवस्थामा नै सुतेका थिए । भोलिपल्ट अवेर सम्म काममा नगएपछि र फोन समेत नउठेपछि उनि कार्यरत ठाउँका साहुले अर्का नेपाली युवकलाई बोलाएर उनको कोठामा चेक गर्न पठाएको थियो । धेरै पटक ढोक नक गर्दा पनि भित्रबाट कुनै प्रतिक्रिया नआएपछि अन्तत प्रहरीले ढोका खोलेर हेर्दा कुँवर सुतेकै अवस्थामा मृत फेला परेका थिए ।
मृत अवस्थामा भेटिएका उनको शव प्रहरी अनुसन्धान पछि नजिकैको शव गृहमा पठाएको थियो र पछि शव अस्टिन मेडिकल सेन्टरमा राखिएको थियो । परिवारको आग्रहमा कुँवरको शव एनएसटीकै सहयोगमा नेपाल पुर्याएर दाह संस्कार गरिएको छ ।
