अमेरिकाको विभिन्न राज्यमा गत शुक्रबारबाट गएको घुम्रपात(टोर्नाड़ो) का कारण सयौं भौतिक संरचना नस्ट हुनुका साथै केही मानिसहरु घाईते भएका छन् । अमेरिकाको टेक्सस सहित ५ राज्यमा कम्तिमा ८३ वटा टोर्नाड़ो जाँदा ठुलो संख्यामा भौतिक क्षति तथा मानविय संन्त्रासको वातावरण सृजना भएको हो ।
अझै पनि टोर्नाड़ोको खतरा जारी रहेको बताएको अमेरिकी सरकारले सतर्कताका लागि सवैमा सार्वजनिक सुचना संप्रेषण गर्दै आएको छ । टोर्नाडोको प्रभाव नेपाली बाहुल्य राज्य टेक्सासमा पनि देखिएको छ । टेक्ससदेखि ग्रेट लेक क्षेत्रसम्म शक्तिशाली टोर्नाड़ोको खतरा रहेको र यो खतरा शनिबार पनि रहने जानकारी सहित उच्च सतर्कताका लागि अनुरोध गरिएको छ । टेक्ससदेखि आयोवासम्म आजै मात्र पनि छ वटा राज्यका भागहरूमा (टोर्नाड़ोको चेतावनी जारी गरिएकोले पनि सो क्षेत्रका नागरिकमा संत्रासको वातावरण सृजना भएको छ ।
अमेरिकी संचार गृहका अनुसार सोमबार दिउँसोसम्म टेक्ससदेखि आयोवासम्मका ८ वटा राज्यहरूमा बाढीको प्रभाव समेत रहने देखिएपछि सो क्षेत्रलाई निगरानीमा राखिएको छ भने नक्स सिटी लागि एउटा टोर्नाडो खतारायुक्त हुनसक्ने अनुमान समेत गरिएको छ ।
शक्तीशाली टोर्नाड़ो साथै ३ इन्च सम्मका धेरै ठूला असिना सहित ८० माइल प्रति घण्टा सम्मको आँधीबेहरीको सम्भावना रहेको समाचारमा उल्लेख छ भने दर्जनौं घुम्रपातहरू बाहेक शुक्रबार ३३ वटा हानिकारक हुण्डरीको साथै ६० वटा ठूला असिना आएको विवरण प्राप्त भएको छ भने आयोवामा गत शुक्रबार चार जना घाइते भएका छन् ।
त्यस्तै काउन्टीका अनुसार पोट्टावाट्टामी काउन्टीमा खतरा मौसमका कारण करिब १२० संरचनामा क्षति पुगेको छ भने मिन्डन शहरमा सबैभन्दा बढी यसको असर देखिएको छ ।
अर्को सूचना नभएसम्मका लागि निषेधाज्ञा (कर्फ्यू )जारी गरिएको यस क्षेत्रमा ग्यास र बिजुली, यातायात लगायत अवरुद्ध हुँदा सो क्षेत्रका नागरिकमा थप संन्त्रास देखिन्छ ।
गभर्नर किम रेनोल्ड्सले पोटावाट्टामी काउन्टी र मिन्डन शहरका लागि आपतकालिन अवस्था घोषणा गरेका छन्। डगलस काउन्टी लगायत पूर्वी नेब्रास्कामा पनि गम्भीर क्षति भएको बताइएको यस घटनामा शुक्रबार मात्रै ओमाहा क्षेत्रमा सयौं घरहरू क्षतिग्रस्त भएका छन्।
घुम्रपातका कारण अहिलेसम्म कसैको मृत्यु नभएको अधिकारीहरूले बताएका छन्। नेब्रास्काका गभर्नर जिम पिलेनले शनिबार साँझसम्म घुम्रपातको खतरा जारी रहेकाले मानिसहरूलाई सुरक्षित रहन आग्रह गरेका छन् ।
