अर्भिङ, टेक्सास
ड्यालसको अर्भिङ निवासी गँगा क्षेत्री सौन्दर्य व्यवसायी हुन । उनको अर्भिङको नर्थ वेल्टलाइनमा रहेको “के हेयर” नामक व्युटिपार्लर अहिले एशियन तथा अमेरिकन ग्राहकको आकर्षणको केन्द्र बनेको छ ।
गँगा तथा उनकी श्रीमती रिना क्षेत्री अमेरिका आएको करिब ६ बर्ष भयो । उनको रुची सौन्दर्य व्यवसाय गर्ने थियो । तर नयाँ ठाउँ नयाँ परिबेशमा सौन्दर्य व्यवसाय शुरु गर्ने आधारभूत जानकारी अभावमा गँगाको योजना सफल हुन सकेको थिएन ।
शुरुमा अमेरिकामा सेटल हुने क्रममा गँगा र उनकि श्रीमतीले बिभिन्न ग्याँस स्टोरहरु तथा वयरहाउसहरुमा काम गरे । उनका साथीसङ्गीको सल्लाहमा दुवै जनाले व्युटिपार्लर सम्बन्धि तालीम लिए । तालिम पछि अर्भिङको नर्थ वेल्टलाइनमा एक बर्ष अघि शुरु गरेको “के हेयर” नामक व्युटिपार्लर पसल अहिले निकै फस्टाएको छ ।
दैनिक ग्राहकहरुको घुँईचो लाग्ने गरेको छ । ग्राहकहरुको चाप बढ्दै गएपछि उनका श्रीमान श्रीमतिका साथै अन्य २ जना कर्मचारीहरु भर्ना गरेर ग्राहकहरुलाई सेवा दिईरहेका छन् ।
उनको व्युटिपार्लरमा खासगरि महिला, पुरुष तथा बालबालिकाका हेयर कटिङ्ग, थ्रेडिङ, फेसियल, वाचिङ,कलर हाईलाईटिङ,ब्रिडल रिसेप्सन मेकअप र हेयर स्पा लगायतका सेवाको लागि ग्राहकहरु आउने गर्दछन ।
उनको व्युटिपार्लरको सेवाबाट ग्राहकहरु पनि सन्तुष्ट हुने गरेका छन ।
ड्यालको अर्भिङ नेपालीहरुको बाक्लो बसोवास रहेको सिटी हो । ग्राहकहरुको चाप बढ्न थालेपछि गँगाले युलेश लगायतका स्थानमा पनि के हेयर व्युटिपार्लरको शाखा खोलेर सेवाहरु बिस्तार गर्ने योजनामा रहेको बताएका छन् ।
