इरानी संगीत क्षेत्रका चर्चित र्यापर तोमज सालेहीलाई मृत्यु दण्डको फैसला सुनाईएको छ । सरकार विरोधी प्रदर्शनलाई समर्थन गरेको आरोपमा र्यापर सालेहीलाई मृत्यु दण्डको सजाय सुनाईएको हो ।
ईसानमा सन् २०२२ सालमा प्रहरी हिरासतमा महसा अमिनीको मृत्यु भएपछि सुरु भएको विरोध प्रदर्शनलाई सालेहीले आफ्ना गीतमार्फत समर्थन गरेका थिए । सो समर्थन सरकार विरोधी भन्दै ईरान सरकारले उनलाई मृत्यु दण्डको सजाय सुनाएको हो ।
सालेहीलाई मृत्युदण्डको फैसला सुनाएको खबर बाहिरिए संगै उनका प्रशंसक खेद व्यक्त गरेका छन् भने उनका वकिल अमिर रायसियनले
सजाया विरुद्ध अपिल गर्ने वताएका छन् । उनीसँग मृत्युदण्डको सजाय विरुद्ध अपिल गर्नका लागि २० दिनको समय मात्र बाँकी रहेकाले उनका प्रशंसकले विरोध जनाएका छन् तर यसबारे इरानी प्रशासनले अहिलेसम्म कुनै प्रतिक्रिया सार्वजनिक गरेको छैन ।
सालेहीले प्रदर्शनको समर्थनमा सार्वजनिक अभिव्यक्ती दिएकै कारण पहिलो पटक सन् २०२२ को अक्टोबरमा उनलाई पक्राउ गरिएको थियो भने सन् २०२३ को जुलाईमा समेत उनलाई ६ वर्ष ३ महिनाको जेल सजाय सुनाइएको थियो ।
तर यस वर्षको जनवरीमा इस्फाहानको क्रान्तिकारी अदालतले सालेहीविरुद्ध नयाँ आरोप लगाएको उनका वकिलले बताएका छन् । अदालतले सालेहीलाई भ्रष्टाचार, सरकार विरोधी गतिविधी लगायत कैयौँ अभियोगमा दोषी ठहर भएका उनि विरुद्ध गत जनवरीमा समेत इस्फाहानको क्रान्तिकारी अदालतले नयाँ आरोप थप गरेको छ ।
