प्रवासी नेपाली मन्च अन्तराष्ट्रिय कमिटीका अध्यक्ष सन्जय थापाले गैरआवासीय नेपालीको माग नेपाली नागरिकताको निरन्तरता भएको बताएका छन् ।
शनिबार टेक्सासको युलेशमा प्रवासी नेपाली मन्च अमेरिका टेक्सास राज्य अधिबेशनको उद्घाटन गर्दै अध्यक्ष थापाले हालै नेपाल सरकारले नागरिकता बिधेयक मार्फत ल्याएको गैरआवासीय नेपाली नागरिकताले प्रवासीहरुका समस्या समाधान नगरि थप समस्या, झन्झट ल्याएकाले नेपाली नागरिकताको निरन्तरताको मुद्दा उठाउनु परेको बताएका हुन् ।
प्रवासी नेपाली मन्च टेक्सास राज्य कमिटीका अध्यक्ष लक्ष्मण घिमिरेको अध्यक्षता तथा सहसचिब सब्दिता प्याकुरेलको सन्चालनमा सम्पन्न उद्घाटन कार्यक्रममा प्रमुख अतिथी थापाले प्रवास मैत्री कानून नबनेका कारण नेपालमा बिदेशी लगानी भित्रिन नसकेको दावी गरे साथै उनले प्रवासमैत्री कानून निर्माण भएमा प्रवासीहरुले स्वदेशमा बिभिन्न उद्योग व्यवसायमा लगानी गर्न सक्ने र त्यसबाट स्वदेशमै रोजगारीको वातावरण बन्ने तर्फ पनि जोड दिएका छन् ।
नेपालमा बिभिन्न बिचार तथा धर्मको नाममा नेपाली समाज बिभाजन भईरहेको प्रति चिन्ता व्यक्त गर्दै अन्तराष्ट्रिय अध्यक्ष थापाले प्रवासी नेपालीहरुलाई एकताबद्ध बनाउँदै मातृभूमिसँग जोड्न प्रवासी नेपाली समुदायका अगुवाहरुले सोच्नु पर्ने बेला आएको धारणा व्यक्त गरेका छन् ।
