क्यानडामा हत्या गरिएका सिख पृथकतावादी नेता हरदीप सिंह निज्जरको हत्या आरोपमा ३ जना भारतिय नागरिक पक्राउ परेका छन् । लामो अनुसन्धान पछि गत बर्ष जुन १८ तारिखमा क्यानडाको ब्रिटिश कोलम्बियामा रहेको एक सिख मन्दिर बाहिर गोली हानी हत्या गरिएका सिख नेता निज्जरको हत्या आरोपमा ३ भारतिय युवा पक्राउ परेका हुन् ।
४५ बर्षिय निज्जर हत्या आरोपमा २२ वर्षीय करण ब्रार, २२ वर्षीय कमल प्रीत सिंह र २८ वर्षीय करण प्रीत सिंहलाई पक्राउ गरिएको हो । तिन देखी ५ बर्ष अवधीदेखी क्यानडामा रहँदै आएका यि ३ युवाले निज्जरको हत्या गरेको पुष्टी भएपछि क्यानडियन सरकार भारतसंग रुष्ट बनेको छ । भारतलाई सो समयदेखी नै आरोप लगाउँदै आएको क्यानडियन सरकारको लामो अनुसन्धान पछि निज्जरको हत्या भारतिय युवाले नै गरेको प्रमाणित हुँदा दुई देश विचको कुटनितिक सम्बन्धमा थप विवाद खडा भएको छ । तर भारतले भने यस आरोपको खण्डन गर्दै आएको छ ।
