नेपाल अमेरिका पत्रकार संघ नेजाले आफ्नो पहिलो स्थापना दिवश मनाएको छ । शनिवार टेक्ससको युलेशमा रक्तदान कार्यक्रमको आयोजना गरि नेजाले पहिलो पटक आफ्नो स्थापना दिवश मनाएको हो ।
युलेश स्थित नेपाली सँस्कृतिक तथा आध्यात्मिक केन्द्र परिसरमा आयोजित नेजाको स्थापना दिवश समारोहमा रक्तदान कार्यक्रम समेत आयोजना भएकाले पनि नेजा संवद्ध पत्रकार तथा नेपाली समाज संवद्ध विभिन्न क्षेत्रमा आवद्ध नेपाली समुदायको वाक्लो उपस्थिती रहेको थियो ।
बल्र्ड डोनर्स अफ अमेरिकासंगको सहकार्यमा आयोजित रक्तदान कार्यक्रममा सहभागी रक्तदाताहरुले अमेरिकामा नेजाको स्थापनाको महत्व दर्साउँदै निरन्तर सफलताका लागि शुभकामना व्यक्त गरेका थिए ।
सन् २००७ को अप्रिल २१ र २२ तारिकका दिन भर्जिनियामा आफ्नो पहिलो अधिवेशन सम्पन्न गरेको नेजाले सोही अधिवेशन भएको मितिलाई आधार मानेर अप्रिल २१ लाई नेजा स्थापना दिवसको रुपमा मनाउन सुरु गरेको हो । तसर्थ शनिवारबाट अमेरिकाका विभिन्न राज्यहरुमा नेजा स्थापना दिवशको अवसर पारेर शुभकामना आदान प्रदानका कार्यक्रम भै रहेका छन् । टेक्ससमा पनि सोमबार नेजाले लायन्स डिस्ट्रिकसंगको सहकार्यमा बृक्षारोपण कार्यक्रम राखेको छ ।
