नेपाली समाज टेक्सस (एनएसटी)ले बृहत बनभोज कार्यक्रमको आयोजना गर्ने भएको छ । नेपाली बाहुल्य राज्य अमेरिकाको टेक्ससमा स्थापित संस्था एनएसटीले आगामी अप्रिल २८ तारिक आईतबारका दिन टेक्ससको ग्रेपभाइन लेकमा बृहत सहभागितामूलक बनभोजको आयोजना गर्ने भएको हो ।
बालबालिकादेखि बृद्धबृद्धा सम्मलाई लक्षित गरेर आयोजना गर्न लागिएको यस बनभोजमा सहभागि हुन ईच्छुकहरुका लागि अनलाईन टिकट बुकिङ्ग खुल्ला गरिसकिएको छ । अनलाईन फर्म अप्रिल २५ तारिक सम्म खुल्ला रहने छ । जसमा उल्लेख भए अनुसार १ जना देखि ५ जना सम्मका सबै सहभागिका लागि RSVP अनिवार्य गरिएको छ ।
एनएसटीका महासचिव विजय राज भुसालले दिएको जानकारी अनुसार नेपाली भाषा, संस्कार-संस्कृति, मौलिक अस्तित्व र पहिचान लगायतका महत्वपूर्ण विषयप्रति सदैव गम्भिर देखिदैं आएको एनएसटीले विगतका बर्षहरुमा झैं यस बर्षपनि बनभोजको आयोजना गर्न लागेको हो । महासचिव भुसालका अनुसार यस प्रकारको बनभोज कार्यक्रमले नेपालीहरुमा एकता र भाईचारा भावको विकास साथै नयाँ पुस्तामा संस्कृति हस्तान्तरणको वातावरण पनि सृजना हुन सक्ने देखिन्छ ।
नेपाली मौलिक बाद्य सामग्री पञ्चेवाजा सहित आयोजना हुने बनभोजका विषयमा एनएसटीले जानकारी सहितको सुचना सार्वजनिक गर्दै कार्यक्रममा सहभागिताका लागि टेक्सवासी सम्पूर्ण नेपालीहरुमा अनुरोध गरेको छ ।
टिकट बुकिङ्गका लागि तलको लिंकमा जानुहोस्
