उत्तर अमेरिकाको सबै भन्दा पुरानो नेपाली संस्था द एसोसिएसन् अफ नेपलिज इन द अमेरिकाज (एएनए)को नेपाली राष्ट्रिय सम्मेलन क्यालिफोर्निया राज्यको सान फ्रान्सिस्कोमा हुने भएको छ । जुलाई महिनाको १९, २० र २१ मा सान फ्रान्सिस्कोमा हुने भएको हो । अमेरिका साथै क्यानडाका नेपाली समुदायको समेत साझा संस्थाका रुपमा सेवा प्रदान गर्दै आएको एएनएले आफ्नो राष्ट्रिय सम्मेलन आगामी जुलाई १९ तारिकबाट सुरु हुने भएको हो ।
३ दिन सम्म चल्ने एएनए राष्ट्रिय सम्मेलनको मिती यस अघि नेपाली नयाँ बर्षको अवसर पारेर अध्यक्ष खगेन्द्र अधिकारीले सार्वजनिक गरेका थिए भने सोमबार पनि आफ्नो आधिकारिक फेसवुक मार्फत अध्यक्ष अधिकारीले कार्यक्रम हुने स्थान सार्वजनिक गरेका छन् । जसमा उल्लेख भए अनुसार यस पटकको एनएनए सम्मेलन क्यालिफोर्निया विश्वविद्यालय बर्कले र सोनेस्टा होटलमा हुनेछ ।
अमेरिकी स्वतन्त्र दिवसको अवसर पारेर सन् सन् १९८३ बाट सम्मेलन गर्दै आएको एएनएको यस अघि टेक्सासको डल्लासमा सम्पन्न सम्मेलनको उपस्थितीलाई आधार मान्ने हो भने पनि एएनएप्रतिको सामाजिक दृष्टिकोण प्रभावशाली देखिन्छ । डल्लासमा सम्पन्न एनएनए सम्मेलन-२०२२ मा करिव ३ हजार व्यक्तीको सहभागिता रहेको थियो । नेपाली समाज टेक्सासका अध्यक्ष राजेन्द्र वाग्ले कन्भेनर रहेको सो सम्मेलनमा १९ वटा इभेन्ट्स र १५ वटा अकाडेमिक तथा प्रोफेशनल सेसनहरुको आयोजना गरिएको थियो।
सम्मेलनमा खेलकुद ,सांस्कृतिक कार्यक्रम, विविध विषयका गोष्ठी ,भेषभुषा प्रदर्शन, प्रतिभा प्रतियोगिता लगायत कार्यक्रमहरु पनि आयोजना हुँदै आएका छन् ।
एएनए राष्ट्रिय सम्मेलन – २०२४ मा सहभागीताका लागि तलको लिंक क्लिक गर्नुहोस् ।
