निर्माता रोहित अधिकारीको चलचित्र ‘फर्कि-फर्कि’ले आफ्नो विदेश प्रदर्शन निश्चित गरेको छ । जेठ १० गतेवाट देशव्यापि रुपमा प्रदर्शनमा आउँदै गरेको फर्कि फर्कि सोहि दिनबाट नै विदेशका अधिकांश हलहरुमा समेत प्रदर्शनमा आउने भएको हो ।
निर्माता रोहित अधिकारीले रिपोर्टर्स क्लव अमेरिकालाई दिएको जानकारी अनुसार चलचित्रको ट्रेलर सार्वजनिक भएसंगै नेपाली भाषि बाहुल्य राष्ट्रहरुका नेपाली वितरकहरुले चलचित्र प्रदर्शनका लागि राखेको प्रस्थाव अनुसार फर्कि फर्किको विदेश प्रदर्शन तय भएको हो ।
२३ लाख माथिको ट्रेलर भ्यूज सहित पछिल्ला दिनहरुमा चर्चा र उत्कृष्ट प्रतिक्रिया पाईरहेको चलचित्रलाई हालसम्म अष्ट्रेलियाका लागि ब्ल्याक आई क्रियशन, हङकङका लागि ओपिजी फिल्मस्ले, दक्षिण कोरियाका लागि नमस्ते फ्याफुल्ला नेपाल कोरियन इन्टरटेन्मेन्ट प्रा।लि र जपानका लागि सुवास लामिछानेले प्रदर्शनको अधिकार सहित खरिद गरिसकेका छन् भने अन्य देशहरुवाट पनि प्रदर्शनको प्रस्थाव आउने क्रम जारी रहेको बताईएको छ ।
सुयोग गुरुङको लेखन तथा निर्देशनमा निर्माण भएको चलचित्रमा अनमोल केसी, जसिता गुरुङ, रवि काफ्ले, समृद्धि अर्याल लगायतको मुख्य भूमिका रहेको छ ।
