काठमाडौं । नेपाली सांगीतिक क्षेत्रमा नयाँ गीत ‘काले तल तल भो’ सार्वजनिक भएको छ। गायक सञ्जु न्यौपानेको स्वरमा रहेको यस गीतमा अञ्जली थापाले अभिनय गरेकी छन्। मौलिक नेपालीपन र मनोरञ्जनात्मक शैलीलाई प्रस्तुत गरिएको गीतको म्युजिक भिडियोले दर्शकको ध्यान आकर्षित गर्ने अपेक्षा गरिएको छ।
गीतमा कृष्ण लामिछानेको शब्द तथा बसन्त घिमिरेको संगीत रहेको छ। कृष्ण केसीले संगीत संयोजन गरेका छन् भने कुमार राना मगरले मिक्सिङ तथा मास्टरिङ गरेका छन्। गीतको रेकर्डिङ सुमन राना मगरले गरेका हुन्। गीत मरुनी स्टुडियोमा रेकर्ड गरिएको हो।
‘काले टलटल भो’को म्युजिक भिडियोको निर्देशन समीर भोटेले गरेका छन्। भिडियोमा सञ्जु न्यौपाने र अञ्जली थापाको अभिनय रहेको छ। करण चइसिरले छायांकन गरेको भिडियोको सम्पादन टेकेन्द्र शाहले गरेका हुन्। त्यस्तै, अनिमेष जोर्डनले मेकअप आर्टिस्टको जिम्मेवारी सम्हालेका छन्। भिडियोको पोस्ट प्रोडक्सन लाइमलाइट नेपालले गरेको हो।
गीत तथा भिडियो Sanju Neupane Officialमार्फत सार्वजनिक गरिएको हो। पछिल्लो समय नेपाली संगीतमा नयाँ पुस्ताका कलाकार तथा सिर्जनाहरू आउने क्रम बढिरहेका बेला ‘काले तल तल भो’ले पनि दर्शक तथा संगीतप्रेमीको मन जित्ने विश्वास निर्माण टिमले लिएको छ।
सरल, मनोरञ्जनात्मक र दर्शकलाई जोड्ने शैलीमा तयार गरिएको गीतको भिडियोमा कलाकारहरूको प्रस्तुति, छायांकन तथा सम्पादनलाई विशेष प्राथमिकता दिइएको छ। गीत सार्वजनिक भएसँगै सामाजिक सञ्जालमा समेत यसको चर्चा बढ्ने अपेक्षा गरिएको छ।
