मानव तथा सामाजिक अधिकारकर्मी डा. बिष्णु माया परियार यस बर्षको ‘कर्मयोगी बद्री पहाडी समाजसेवा पुरस्कार’ बाट सम्मानित भएकी छन् । लामो समयदेखि अमेरिकामा रहेर मानव अधिकार एवम् सामाजिक न्यायका लागि पुर्याएको महत्वपूर्ण योगदानको कदर गर्दै डा. परियारलाई कर्मयोगी बद्री पहाडी समाजसेवा पुरस्कार प्रदान गरिएको हो ।
मानव अधिकार तथा शान्ति समाजद्वारा वि.सं.२०७६ मा स्थापना गरिएको कर्मयोगी बद्री पहाडी समाजसेवा पुरस्कार मानव तथा सामाजिक न्यायका क्षेत्रमा विशिष्ट योगदान पुर्याउने व्यक्तित्वहरुलाई प्रदान गरिदैं आएको एक लाख १० हजार राशिको सो पुरस्कारबाट यस बर्ष डा. परियारलाई पुरस्कृत गरिएको हो ।
५ दशक पहिले गोरखामा जन्मिएकी डा. परियार झण्डै ३ दशक देखि मानव अधिकार तथा सामाजिक रुपमान्तरणका क्षेत्रमा क्रियाशिल नाम हो । जसको प्रेरणगत जीवनीका बारेमा अमेरिकाको म्यासाच्युसेटस राज्यको शिक्षा विभागद्वारा कक्षा–७ को पाठ्यक्रममा समावेश गरिएको छ भने यस अघि थुप्रै राष्ट्रिय तथा अन्तराष्ट्रिय सम्मानबाट उनलाई सम्मान गरिएको छ ।
दलिद महिला अधिकारका क्षेत्रमा क्रियाशील संस्था एशोसिएशन फर दलित वुमन्स एड्भान्समेन्ट अफ नेपाल (एड्वान) की संस्थापक अध्यक्ष डा.परियारलाई सन् २०१३ मा म्यानर कलेजले मानार्थ डि.लिट (डक्टर अफ लेटर्स) ले समेत सम्मान गरेको थियो ।
