नेपाली समाज टेक्सास (एनएसटी)ले आयोजना गर्दै गरेको बनभोज कार्यक्रममा बृहत सहभागिता देखिने भएपछि कारपुलका लागि अनुरोध गरिएको छ । एनएसटीले अप्रिल २८ तारिक आईतबारका दिन आयोजना गर्दै गरेको बनभोजमा सहभागिताका लागि १८ सय भन्दा माथीले RSVP गरेपछि पछि सहभागिता संख्याका आधारमा पछि हुने असुविधालाई मध्य नजर गरी एनएसटीले कारपुलका लागि अनुरोध गरेको हो ।
एनएसटीले सार्वजनिक गरेको सुचनामा उल्लेख भए अनुसार अनुमानित संख्या भन्दा बृहत उपस्थिती रहने भएपछि सम्भव भएसम्म कारपुल अर्थात कारको कुनै पनी सिट खाली नराखिकन, आफ्नो घर वरीपरीबाट पिकनिकमा सहभागी हुने सहभागीहरूलाइ पिकअप गरेर आउनका लागि अनुरोध गर्नु परेको हो । किनकी तय भै सकेको स्थान परिवर्तन गर्नु भन्दा कारपोल मार्फत सहभागी हुन सके सबैलाई सहज हुने देखिएकाले नै एनएसटीले यस प्रकारको निर्णय गरेको हो । सुचना प्राप्त सहभागिले यस सुचनालाई आफु नजिकका साथीभाई सम्म संप्रेषण गरिदिनका लागि पनि एनएसटीले अनुरोध गरेको छ ।
२८ तारिक आईतबारका दिन टेक्ससको ग्रेपभाइन लेकमा आयोजना हुने यस बृहत बनभोज विहान ११ बजेबाट सुरु हुने बनभोज कार्यक्रम दिउँसो ४ बजेसम्म चल्ने छ । जहाँ नेपाली पञ्चेवाजा सहित मौलिक परिकार, साँगीतिक तथा साँस्कृतिक प्रस्तुती लगायतका नेपाल र नेपाली पहिचान झल्कने शैलीका कार्यक्रमहरु हुनेछन् ।
