काठमाडौं महानगरपालिकाका मेयर बालेन शाहले देश भरका सबै पालिकाका असक्त र विपन्न विरामीको उपचार काठमाडौं महानगरले गर्ने घोषणा गरेका छन् । बालेनले आज आफ्नो आधिकारिक फेसबुक मार्फत सो अभिव्यक्ती सहितको निर्णय सार्वजनिक गरेका हुन् ।
काठमाडौं महानगरका विभिन्न क्षेत्रहरुको विकासका कारण निर्वाचन पश्चात शिर्ष चर्चा सहित सफलताको यात्रामा रहेका बालेनले नेपालको जुनसुकै पालिकाको भए पनि अशक्त र गरिब नागरिक बिरामीहरूले आफ्नो पालिकाबाट विपन्न, असहायको सिफारिस लिएर काठमाडौँ महानगर आउन अनुरोध गरेका छन् ।
मेयर बालेनका अनुसार काठमाडौं महानगरसंग अहिले ५२ अस्पतालका ३७४ बेड आवद्ध छन् । जहाँ बिरामीको आवश्यकता अनुसार निशुल्क उपचार हुनेछ । काठमाडौं महानगर स्वास्थ्य विभाग अन्तरगतको यस योजनाबारे सम्बन्धित व्यक्तीसम्म जानकारी पुर्याइदिएर उपचारका लागि सहयोग गर्नका लागि पनि अनुरोध गरिएको छ । जसका लागि ११८० नं.मा फोन सम्पर्क गर्न सकिने छ
