बहु चर्चित ईराकी टिकटकर उम फदाहलाई गोली हानी हत्या गरिएको छ । ईरानी सरकार र प्रहरीले पटक पटक चेतावनी दिंदै आएकी फदाहलाई शुक्रबार बग्दादमा गोली हानी हत्या गरिएको हो । वास्तविक नाम गुफ्रान सवादी भएपनि उनि कलाकारिता क्षेत्रमा उम फहादका रुपमा चर्चित रहेकी थिईन् । शुक्रबार राति ईरानको राजधानी बग्दाद स्थित जायुना क्षेत्रमा रहेको आफ्नै घर बाहिर उनलाई गोली हानी हत्या गरिएको हो ।
टिकटकमा फेसनेवल शैलीका कपडा लगाएर टिकटक बनाउने उनि पप संगीत प्रेमि थिईन् । त्यसैले ईरानको न्यायपालिकाले उनका श्रव्य दृश्य सामग्रीलाई समाज विरोधी संज्ञा सहित अनुपयुक्त मानेको थियो । इराकी न्यायपालिकाले ‘अश्लील र अभद्र’ भाषाको प्रयोग, सार्वजनिक शिष्टता र नैतिकताको उल्लङ्घन गर्ने धेरै चलचित्र र श्रब्यदृश्यहरू निर्माण र प्रकाशन गरेको अपराधमा फहादलाई छ महिनाको कारागार सजाय समेत सुनाइएको थियो ।
न्यायपालिकाले नै कारावासको फैसला गरेको टिकटकरको हत्या बिषयमा ईरानका आन्तरिक मन्त्रीले चर्चित महिलाको हत्या हत्याको अवस्था पत्ता लगाउन विशेष कार्य टोली गठन गरिएको बताएका छन् । मन्त्रीले आक्रमणकारी अज्ञात भनेपनि फहादका फ्यानहरुले भने यस हत्या र अघिल्लो टिकटकर दुवैमा सरकारको हात हुनसक्ने आशंका व्यक्त गरेका छन् ।
यस अघि पनि अत्यन्त चर्चित इराकी टिकटकर नूर बीएमको पनि गोली हानि हत्या गरिएको थियो । नूर बीएम नामले चर्चित नूर अलसफरलाई सेप्टेम्बर २०२३ मा गोली हानि हत्या गरिएको थियो । अहिले हत्या गरिएकी टिकटकर फहाद र गत सेप्टेम्बरमा हत्या गरिएकी टिकटकर नुरको हत्या प्रकृति हेर्दा समान देखिन्छ । दुवैलाई बग्दादमा नै गोली हत्या गरिएको छ ।
फहादको हत्याका समय सिसि क्यामेरामा कैद श्रव्य दृश्य सामग्री समेत सार्वजनिक भएको छ जसमा मोटरसाईकलमा सवार २ जना बन्धुकधारीले उनिमाथी गोली प्रहार गरेका थिए । हत्या गर्ने उद्येश्यले लगातार गोली प्रहार गर्दा टिकटकर फहादको घटनास्थलमा नै मृत्यु भएको हो ।
त्यस्तै सन् २०१८ मा पनि चर्चित इराकी मोडल तथा सोशल मिडिया स्टार तारा फारेसको बगदादमा नै गोली हानी हत्या गरिएको थियो । इन्स्टाग्राममा लाखौं फलोअर्स भएका २२ वर्षीया उनको हत्या पनि समान प्रकृतिको देखिन्छ ।
