पछिल्लो मत परिणाम अनुसार इलाम–२ को उपचुनावमा नेकपा एमालेका उम्मेदवार सुहाङ नेम्वाङको अग्रता कायमै देखिएको छ । सार्वजनिक पछिल्लो मत गणना परिणाम अनुसार एमाले उमेद्वार नेम्वाङले ५ हजार ६ सय ७१ मतको अन्तर सहित अग्र स्थानमा देखिएका हुन् ।
अहिलेसम्म ४१ हजारभन्दा धेरै मतको परिणाम सार्वजनिक भै सकेको छ जसमा एमालेका नेम्वाङले झण्डै १७ हजार मत ल्याउँदा कांग्रेसका डम्बरबहादुर खड्काले ११ हजार २ सय ७३ मत प्राप्त गरेका छन् भने स्वतन्त्र उम्मेदवार डकेन्द्रसिंह लिम्बुले ९ हजार ४४ मत प्राप्त गरेका छन् ।
पछिल्लो मत परिणाम अनुसार राष्ट्रिय स्वतन्त्र पार्टी (रास्वपा) का उम्मेदवार मिलनकुमार लिम्बु आफ्ना प्रतिस्पर्धी भन्दा निकै पर रहेका छन् । लिम्बुले अहिले सम्म २ हजार ८ सय ३ मत प्राप्त गरेका छन् ।
अस्ति शनिवार भएको मतदानमा ६९ हजार २ सय ८७ जनाले मतदान गरेका थिए । २०७९ मा भएको प्रतिनिधि सभा निर्वाचनमा एमालेका उम्मेदवार सुवासचन्द्र नेम्वाङ ३० हजार २० मत ल्याएर निर्वाचित भएको यस क्षेत्रमा उनको निधन पछि छोरा सुहाङ्गले राजनितिमा प्रवेश गर्दै पिताको स्थानमा आफुलाई उभ्याउन प्रयासरत छन् । यस अघि पनि सुवासचन्द्र नेम्वाङसंग बलियो प्रतिस्पर्धाका रुपमा रहेका कांग्रेसका खड्का उनका छोरासंगको प्रतिस्पर्धालाई चासोका रुपमा हेरिएको छ ।त्यतिबेला खड्काले २९ हजार ९ सय ६ मत प्राप्त गरेका थिए।
