प्रतिनिधी सभाकको उपसभामुख ईन्दिरा राना मगरले गैर आवासीय नेपालीहरुलाई एनआरएन नागरीकता संवद्धमा लिखित सुझावका लागि अनुरोध गरेकी छन् । यतिवेला अमेरिकामा रहेकी उपसभामुख रानाले सोमबार कोलोराडोमा आयोजित स्वागत तथा अन्तरक्रियात्मक कार्यक्रलाई संबोधन गर्दै गैर आवासीय नेपालीहरुलाई एनआरएन नागरीकता लिन तथा पैतृक संम्पत्ती सुरक्षा संवद्धमा परेको समस्या र आवश्यकता लिखित रुपमा दिन आग्रह गरेकी हुन् ।
एनआरएन कोलोराडो च्याप्टरको आयोजनामा नेपाली सांस्कृतीक केन्द्र नेपाली घरमा अप्रील २९ तारिक साँझ ६ बजेबाट सुरु भएको कार्यक्रममा बोल्दै उपसभामुख रानाले अहिले देशमा एकिकृत कानुन लेखनको कार्य भै रहेकाले गैर आवासिय नेपालीले वास्तविक समस्या लिखित रुपमा दिन सके सो समस्यालाई आफु नेपाल फर्किएपछि समाधानको पहल गर्ने प्रतिवद्धता व्यक्त गरेकी छन् ।
नेपाल सरकार खेलकुद मन्त्रालयका बरिष्ठ सल्लाहकार तथा राष्ट्रिय स्वतन्त्र पार्टि एनआरएन डिपार्टका उपाध्यक्ष डा.प्रणय राणाको विषेश आतिथ्यतामा सम्पन्न अन्तरक्रियात्मक कार्यक्रमा एनआरएनएको आवश्यकता र महत्व, नागरिकताकै कारण मातृभूमिप्रतिको कर्तव्य निर्वाहमा देखिदैं आएका समस्या, ैतृक संम्पत्तीको कारोवारमा सहजकता लगायतका विषय केन्द्रित रहेर नेपाली समुदायले अतिथीहरुलाई प्रश्न राखेका थिए भने अतिथी द्वय, राना र डा.राणाले सो प्रश्नको जवाफ सहित आवश्यक पहलको प्रतिवद्धता व्यक्त गरेका थिए ।
एनआरएन कोलोराडो च्याप्टरका अध्यक्ष प्रकाश पौडेलको सभापतित्वमा संम्पन्न कार्यक्रममा एनआरएनए संवद्ध पदाधिकारी तथा सदस्यहरु, नेपाली समुदाय संवद्ध स्थानिय संघ संस्थाका प्रतिनिधि, संचारकर्मी लगायतको वाक्लो उपस्थिती रहेको थियो ।
