गायक छविराज सुनारको नयाँ गीत लाम लाम पिरती सार्वजनिक भएको छ । गायक स्वयंको शब्द तथा नन्दु परियारको लय संकलनमा रहेको यस गायक छविराज र गायिका शान्ति श्री परियारको युगल आवाजमा भिडियो सहित सार्वजनिक भएको हो ।
बैसालु मनहरुमा पोखिएका प्रेमिल भाव समेटिएको यस गीतमाथी बनेको भिडियोमा चर्चित कलाकारहरुको अभिनय देख्न सकिन्छ । करिष्मा मानन्धर, दिलिप रायमाझी, प्रकाश सपुत र प्रिज्मा खतिवडाको मुख्य भूमिका रहेको भिडियोलाई कथात्मक रुपमा चित्रण गरिएको छ । सुर्ति खाने प्रेमि संगको मायालु गुनासोबाट सुरु भएको गीतको मुख्य शब्द लामपाते सुरतीमा समेत केन्द्रित देखिन्छ । मौलिकता र आधुनिकताको फ्युजनका रुपमा रहेको यस गीत भित्र पनि अर्को भिडियो रहेको प्रतित हुन्छ । कथामा प्रकास सपुतले प्रेमिका प्रिज्मालाई नायिका करिस्मा र नायक दिलिपको गीतको सुटिङ देखाउन लगेका छन् । जहाँ उनिहरु गीतको कथामा आफुलाई नै महसुस गरेर रमाईरहका देखिन्छन् । जाँदा प्रकासले माया लगाउन राखेको प्रस्थाव सुटिङ हेरेर फर्कदा प्रिज्माले स्वकार गरेकी छन् ।
सुनिल विकको निर्देशनमा निर्माण भएको भिडियोमा रोषन विश्वकर्माको आकर्षक कोरियोग्राफी देख्न सकिन्छ । अर्जुन तिवारीको छायांकन र प्रविण भट्टको सम्पादन रहेको यस भिडियोलाई गलबन्दी प्रोडक्सनले बजारमा ल्याएको हो ।
यस गीतका शब्दकार तथा गायक छविराज हाल अमेरिका छन् । तसर्थ लाम लाम सुरती गीतको मेल भर्सन पनि अमेरिकामा नै रेकर्ड भएको हो । अमेरिकामा रहेर पनि नेपाली गीत संगीतका क्षेत्रमा निरन्तर क्रियाशिल उनि त्यहाँ हुने नेपाली कार्यक्रमहरुमा रुचाईएका संगीतकर्मी हुन् जसले गीत लेखन र गायनका माध्यमबाट नेपाली संगीत क्षेत्रको विस्तारमा मद्यत पुर्याउँदै आएका छन् ।
