स्वर्गीय भारत्तोलन खेलाडी रुप कार्कीको स्मृतिमा रूप स्मृती एण्ड एवरेस्ट कप क्रिकेट प्रतियोगिता हुने भएको छ । अमेरिकामा रहेर नेपाली खेल क्षेत्रको श्रीबृद्धीमा महत्वपूर्ण योगदान पुर्याएका अन्तराष्टिय खेलाडी स्व कार्कीको सम्झनामा अमेरिकको भर्जिनिया राज्यको मनासस शहरमा मे २५ तारिकबाट क्रिकेट प्रतियोगिता सुरु हुने भएको हो ।
गैर आवासीय नेपाली संघ राष्ट्रिय समन्वय समिति (एनआरएनए एनसीसी )अमेरिका र एवरेस्ट लायन्स फ्रेन्डशीप एसोसिएसले संयुक्त आयोजना गर्न लागेको प्रतियोगिता मे २७ तारिक सम्म संचालन हुनेछ । ७ वटा राज्यहरुबाट १२ वटा क्रिकेट टोलीले सहभागिता जनाउने यस प्रतियोगितामा सहभागी हुन चाहनेहरुका लागि खेल तालिका समेत सार्वजनिक गरिएको छ ।
लामो समयदेखी परिवार सहित डिसी क्षेत्रमा रहेर विभिन्न अन्तराष्टिय प्रतियोगितामा विजेता कार्कीको सम्झनामा हुन लागेको यस प्रतियोगिताका विजयी टिमलाई ५ हजार पुरस्कार प्रदान गरिने छ भने उप विजेता टिमलाई ३ हजार डलर प्रदान गरिने छ । जसमा प्रथम हुने टिमलाई एनआरएनए एनसिसि अमेरिकाले नगद तथा पुरस्कार प्रदान गर्ने छ भने उप बिजेतालाई क्लासिक डाइमण्ड एण्ड ज्वेलरीले नगद पुरस्कार प्रदान गर्ने छ ।
न्यूयोर्क,न्यू जर्सी,पेनसेलभेनिया ,नर्थ क्यारोलाइना ,मेरिल्याण्ड ,म्यासाचुसेट्स तथा भर्जिनियाका खेलाडी टिमहरुले सहभागिता जनाउने बताईएको यस पटकको प्रतियोगीताले खेलाडीको सम्मान गरेको अभिव्यक्ती सहित उनको कार्कीको योगदानलाई स्मरण गरेका छन् ।
बागलुङ जिल्लाको गल्कोटमा जन्मेका कार्कीको परिवार बसाइँ सरेर रूपन्देहीको तिलोत्तमा –६, कुन्जलापुरमा आएपछि उनि रुपन्देहीका बासिन्दा बनेका थिए । सन् २००९ देखि भारत्तोलनको अभ्यास सुरु गरेका कार्की सन् २०१२ देखि पूर्ण रूपमा भारत्तोलन खेलमा सक्रिय रहँदै आएका थिए । कार्की ड्रग टेस्टेड ९ शक्तिबद्र्धक औषधि नखाने ० खेलाडी हुन् । अमेरिकाको डिसी क्षेत्रमा परिवार सहित रहँदै आएका उनको परिवार आज पनि डिसी क्षेत्रमा रहँदै आएको छ । अन्तरराष्ट्रिय स्वर्ण पदक बिजेता कार्कीले थुप्रै पुरस्कारहरु प्राप्त गरेका थिए । स्वर्गीय शक्तित्तोलक कार्कीले २०७६ सालमा आयरल्याण्डको लाइमरिकमा चार दिनसम्म सञ्चालित अन्तर्राष्ट्रिय प्रतियोगितामा आफ्नो वजन समूह मास्टर २ मा स्वर्ण पदक जितेका थिए ।
सन् २०१७ मा अमेरिकाको एट्लान्टामा भएको आफ्नो वजन र उमेर समूहमा स्वर्ण पदक विजेता कार्की संभवत नेपालको खेल इतिहासमा भारत्तोलनमा स्वर्ण पदक जित्ने सम्भवत पहिलो नेपाली खेलाडी हुन् ।
