नेपाली कला क्षेत्रका अत्यन्त लोकप्रिय गायक तथा अभिनेता प्रकाश सपुत अब चलचित्र निर्देशनमा पनि देखिने भएका छन् । सपूतले पहिलो पटक निर्देशन गर्न लागेको चलचित्र ’वसन्त’को आईतबार निर्माण घोषणा गरिएको हो ।
सपुत स्वयंको लेखन र निर्माण रहने रहने यस चलचित्र निर्माणको घोषणा गर्दै उनले गीतहरुमा जस्तै चलचित्रमा पनि आफुलाई माया र साथ दिनका लागि दर्शकहरुलाई अनुरोध गरेका छन् ।
गलबन्दी प्रोडक्सनको प्रस्तुतिमा निर्माण हुन लागेको चलचित्रमा अनुप बराल, प्रकाश घिमिरे, कमलमणि नेपाल लगायत कलाकारहरूको अभिनय रहने छ भने सपुतको जोडीका रुपमा अभिनेत्री स्वस्तिमा खड्का मुख्य भूमिकामा देखिदैं छिन् ।
चलचित्र निर्माण घोषणा कार्यक्रममा बोल्दै सपुतले आफ्नो पहिलो चलचित्रमा आफ्नै कथालाई उठान गरेको जानकारी सहित चलचित्रले जातिय बिभेदलाई केन्द्रमा राखेको बताएका छन् ।
यसै बर्षको चैते दशैंमा देशव्यापि प्रदर्शनमा आउने बताईएको चलचित्रमा सुनिल वि.कको सह–निर्देशन रहने छ भने मोहन विश्वकर्मा, अनुरोध भट्टराई र नेन्सि शेरचन कार्यकारी निर्मातामा रूपमा रहेका छन् ।
सांगीतिक क्षेत्रमा लोकप्रिय सपुतले यस अघि नारायण रायमाझी निर्देशित ’परदेशी २’ बाट अभिनेताका रूपमा फिल्ममा डेब्यु गरेका थिए । नयाँ चलचित्रबारे बताउँदै सपुतले सामाजिक संजाल फेसबुकमा लेखेका छन् ‘लौ है यो अर्को सपना पनि पुरा गर्न आटियो १ सर्वप्रथम त सपनाको यो हद सम्म पुग्ने आट, माया, साथ र शुभेच्छा दिनुभएकोमा तपाईहरु सप्पै-सप्पैलाई धन्यवाद ।
अग्रज आदरणिय नारायण रायमाझि निर्देशित चलचित्र “परदेशी२“ मा एउटा कलाकारको रुपमा चलचित्रको अनुभव र तपाईहरुको विश्वास लिने मौक़ा पाए १ अब आफैले निर्माण र निर्देशन गर्ने पहिलो चलचित्रको यहि बैशाख २३ गते आईतबार “ नाम घोषणा भिडियो ( Title Announcement Video ) रिलिज गर्दै छौ । चलचित्रको नाम के हो ? कथा को पृष्ठभूमि काहा हो ? पात्रहरु को को हुन ? रिलिज कहिले हो ? यो सबै जानकारी त्यहि भिडियोमा पाउनुहुनेछ । विश्वास छ, गितमा जस्तै चलचित्रमा पनि तपाईको माया, साथ र शुभेच्छा अवश्य पाउनेछौ किनकि कथा संगै गितहरु छ । गितहरु संगै कथा छ।’
