काठमाण्डौं
नेपाल अमेरिका पत्रकार संघ (नेजा) ले बिहिबार “नेजा ग्रामीण उत्कृष्ट पत्रकारिता पुरस्कार २०२२” प्रदान गरेको छ ।
नेपाल पत्रकार महासंघ र नेपाल अमेरिका पत्रकार संघ (नेजा) द्वारा बिहिबार काठमाण्डौंमा आयोजना गरिएको एक कार्यक्रमका बीच उप प्रधान तथा गृहमन्त्री नारायणकाजी श्रेष्ठले “नेजा ग्रामीण उत्कृष्ट पत्रकारिता पुरस्कार २०२२” बितरण गर्नु भयो ।
“नेजा ग्रामीण उत्कृष्ट पत्रकारिता पुरस्कार २०२२” बाट पुरस्कृत हुनेमा कान्तिपुर टेलिभिजनकी सिन्धुपाल्चोक संवाददाता कमला पाख्रिन र सन्धान अनलाइकी दिलमाया शाही रहेका छन ।
उक्त अवसरमा उपप्रधान तथा गृहमन्त्री नाराणकाजी श्रेष्ठले पाख्रिन र शाहीलाई सँयुक्त रुपमा नगद दुई लाख २२ हजार २२२ रुपैयाँ नगद, प्रमाण पत्र प्रदान गर्नु भएको थियो ।
प्रत्येक दुई वर्षमा प्रदान गर्दै आएको नेजा ग्रामीण उत्कृष्ट पत्रकारिता पुरस्कार २०२२ का लागि २ सय २३ जना पत्रकारहरुले आबेदन दिएकोमा मापदण्ड अनुसार २ जना उत्कृष्ट पत्रकार छनौट गरिएको पुरस्कार छनौट समितिमा सँयोजक गोबिन्द आचार्यले जानकारी दिनु भयो ।
नेपाल अमेरिका पत्रकार सँघ(नेजा) का अध्यक्ष सुरज भण्डारीको अध्यक्षता तथा महासचिव बाबुराम दाहालको सन्चालनमा सम्पन्न पुरस्कार बितरण समारोहमा बोल्दै प्रमुख अतिथी उप तथा गृह मन्त्री श्रेष्ठले नेपालको राजनीतिक परिवर्तनमा नेपाली पत्रकारिता क्षेत्रले खेलेको भूमिकाको प्रशंसनिय रहेको बताउनु भयो । उप तथा गृहमन्त्री श्रेष्ठले पत्रकारिता क्षेत्रमा पनि सुधारको आवश्यकता रहेको बताउदै पत्रकारिता क्षेत्रमा आत्मालोचना सहित रुपान्तरण हुनुपर्ने कुरामा जोड दिनु भयो ।
उक्त कार्यक्रममा नेपाल पत्रकार महासँघका अध्यक्ष बिपुल पोखरेल। महासचिब रोशन पुरी, प्रेस काउन्सिल नेपालका अध्यक्ष बालकृष्ण बस्नेत, महासंघका सल्लाहकार निर्मला शर्मा, नेजाका पूर्व अध्यक्ष गौतम दाहाल लगायतका बक्ताहरुले बोल्नु भएको थियो ।
नेपाल अमेरिका पत्रकार सँघ(नेजा) का अध्यक्ष सुरज भण्डारी र महासचिव बाबुराम दाहालले नेजाले नेपालको पत्रकारितामा गर्दै आएको सहयोग र सहकार्य आगामी दिनमा पनि जारी रहने प्रतिवद्धता व्यक्त गर्नुभयो ।
नेजाले नेपाल पत्रकार महासंघसँगको सहकार्यमा सन् २०१३ देखि ग्रामीण क्षेत्रका सक्रिय पत्रकारलाई “नेजा ग्रामीण उत्कृष्ट पत्रकारिता पुरस्कार ” प्रदान गर्दै आएको छ ।