नेपाली समाज टेक्सासको नयाँ नेतृत्वको लागि डिसेम्बर १६ मा निर्बाचन हुँदैछ । निर्बाचनको माहोल आफ्नो पक्षमा पार्नका लागि बिभिन्न पदका उम्मेदवारहरु प्रचार प्रसार अभियानलाई तिब्र पारेका छन ।
नेपाली समाज टेक्सासको नयाँ नेतृत्वमा प्रत्यासी बनेका उम्मेदवारहरुले आफ्ना प्रतिबद्धताहरु सामाजिक सन्जाल, अडियो, भिडियो तथा बिभिन्न मिडिया मार्फत सार्बजनिक गरिरहेका छन ।
रिेपोर्टस क्लब अमेरिका तथा लाईफ ईन ग्राबिटीद्वारा शनिबार युलेशमा आयोजना गरिएको साक्षात्कार कार्यक्रममा अध्यक्ष तथा महासचिबका प्रत्यासीहरुले नेपाली समाज टेक्सासलाई आगामी दिनमा अझै उचाईमा पुर्याउने प्रतिबद्धता व्यक्त गरे ।
नेपाली समाज टेक्सासका अध्यक्ष तथा अध्यक्ष पदका प्रत्यासी राजेन्द्र वाग्लेले आफुले उम्मेदवार बन्नुको औचित्यबारे बोल्दै आफ्नो अघिल्लो २ बर्षे कार्यकालमा योजनाबद्ध रुपमा उत्कृष्ट काम भएको, नेपाली समुदायलाई जोड्ने प्रयास भएको, योजना गरिएका थुप्रै काम बाँकी रहेकाले आफुले पुन एक पटकका लागि नेतृत्वमा दोहरिन चाहेको बताउनु भयो ।
यसै गरि नेपाली समाज टेक्सासका पूर्ब महासचिब तथा अध्यक्ष पदमा प्रत्सासी कमल सत्यालले आफु नेपाली समाज टेक्सासको पूर्ब महासचिब भईसकेकाले आफुलाई समुदायका समस्याहरु, सवालहरु जानकारी रहेको र आफु एक पटक निस्वार्थ रुपमा समाज सेवा गर्ने ईच्छा रहेकाले अध्यक्ष पदमा उम्मेदवारी दिएको धारणा व्यक्त गर्नु भयो ।
यस्तै महासचिबका प्रत्यासीहरुले पनि आफुहरुले सँस्थालाई सबल बनाउदै समुदायलाई एकताबद्ध बनाउन प्रयास गर्ने प्रतिबद्धता सुनाए ।
नेपाली समाज टेक्सासका महासचिब तथा पुन महासचिबका प्रत्यासी सन्देश उप्रेतीले सँस्थामा आफुले अघिल्लो कार्यकालमा थुप्रै असल अभ्यास शुरुवात गरेको दावी गर्दै समुदायमा अझ बढी काम गर्न महासचिब पदमा नै पुन उम्मेदवारी दर्ता गराएको बताउनु भयो ।
यस्तै नेपाली समाज टेक्सासका कार्यकारी सदस्य तथा महासचिब पदका उम्मेदवार बिजय भुसालले समुदायमा सेवा गर्ने ईच्छा भएकाले आफु योजना सहित महासचिब पदमा उम्मेदवार बनेको बताउनु भयो ।
कार्यक्रममा अध्यक्ष र महासचिबका प्रत्यासीहरुसँग उम्मेदवार बन्नुको कारण, प्रतिबद्धताहरु, आगामी योजनाका बारेमा सवाल जवाफ गरिएको थियो ।
कार्यक्रममा नेपाली समाज टेक्सासका पूर्ब अध्यक्ष दिनेश शर्मा, नेपाल अमेरिका पत्रकार सँघका अध्यक्ष सुरज भण्डारी, युलेश सिटी काउन्सिल सदस्य टीका पौडेलले निर्बाचन नेतृत्व चयन गर्ने लोकतान्त्रिक पद्धती भएकाले निर्बाचन पछि सँस्था बिभाजन होईन अझ बढी एकताबद्ध हुनु पर्ने कुरामा जोड दिनु भएको थियो ।
त्यस्तै रिपोर्टर्स क्लब अमेरिकाका अध्यक्ष किशन रेग्मीले डिबेट सफल पार्न सहयोग गर्ने सम्पूर्णलाइ धन्यबाद दिनु भएको छ।
कार्यक्रम मौसम भट्राईको सहजिकरणमा भएको थियो ।
