यहि आउँदो जुन १४, २०२४ मा गैरनाफामूलक संस्था डेभलपमेन्ट फर पिस इन्टरनेसनल र व्यवसायी संस्था सि.आर. सोलुसन्सले सामाजिक कल्याण कार्यको लागि कोष संकलन गर्न सांस्कृतिक कार्यक्रम गर्ने भएका छन् । कार्यक्रममा गायक प्रकाश सपुत संगै गायिका मुना थापा मगर , छबि राज सुनार लगायतका कलाकारहरुले बिबिध गीत, नृत्य आदि मनोरंजनात्मक सामग्रीहरु प्रस्तुत गर्ने बताईएको छ ।
टेक्सासको हर्स्टमा मुख्य कार्यालय रहेको डेभलपमेन्ट फर पिस इन्टरनेसनलले बिगत १५ बर्ष देखि नेपालमा अनाथ तथा असहाय बालबालिकालाइ सहयोग संगै ग्रामिण बिपन्न बर्गका महिलाहरुलाई आयआर्जन गर्न मद्दत गरिरहेको छ । त्यसै गरि यस संस्थाले अमेरिकाको डालस-फोर्टवर्थमा नेपालीहरुद्वारा स्थापित तथा संचालित बिभिन्न संस्थाहरुसंग मिलेर घरबारबिहिनलाई सहयोग, रक्दान कार्यक्रम र अन्य सामाजिक कल्याणका कामहरु गरिरहेको छ ।
कार्यक्रमको बारेमा जानकारी दिंदै डेभलपमे-न्ट फर पिस इन्टरनेसनलका अध्यक्ष दीपक खरेलले डालस-फोर्टवर्थका नेपालीहरुलाई कार्यक्रम हेरेर मनोरन्जन लिनुका साथै सामाजिक कल्याणको पुनित उद्देस्यको लागि सहयोग गर्न अनुरोध गरेकाछन् ।
कार्यक्रमका सहआयोजक संस्था सि.आर. सोलुसन्सका अध्यक्ष दिलीप ज्ञवालीले सामाजिक कल्याणको काममा सहयोग गर्न पाउँदा आफु ज्यादै खुसि भएको बताउँदै सोहि दिन १० बजे देखि ५ बजे सम्म कार्यक्रमस्थलमानै डालस, अस्टिन, ह्युस्टन आदि शहरका फ्युल तथा कन्भेनिएन्स स्टोरहरुको “ट्रेड शो” हुने जानकारी दिए । साथै उनले नेपालीहरुको स्वामित्व तथा संचालनमा रहेका फ्युल तथा कन्भेनिएन्स स्टोरहरुलाई उक्त “ट्रेड शो” मा सहभागि हुन अनुरोध गरेकाछन् ।
