अर्जुन न्यौपाने अप्रिल 21 टेक्सास
लुम्बिनी सेवा समाज अमेरिकाले शुभकामना एवम् साँस्कृतिक वनभोज कार्यक्रम सम्पन्न गरेको छ । टेक्सास राज्यको Creek Pkwy,Euless मा आयोजित कार्यक्रममा प्रमुख अतिथि NRNA अध्यक्ष डा अर्जुन बन्जाडेले संस्था मार्फत नेपालीहरुलाई एकजुट बनाउने कार्यक्रमप्रति ख़ुशी व्यक्त गर्दै संस्थाको उत्तरोत्तर प्रगति कामनाका साथ नेपाली नयाँ वर्षको शुभकामना व्यक्त गर्नुभयो ।
कार्यक्रममा दीपेन्द्र गुरागाँई, माधव दुलाल,राधिका खराल,जीवलाल भुसाल लगाएतले शुभकामना व्यक्त गर्नुभएको थियो । औपचारिक कार्यक्रमको सभापतित्व सेवा समाजका अध्यक्ष जगदीश न्यौपानेले गर्नुभएको थियो भने स्वागत मन्तव्य उपाध्यक्ष सरिता शर्मा र संचालन सचिव टंकनाथ अधिकारीले गर्नुभएको थियो ।
कार्यक्रमलाई थप मनोरंजन दिनका लागि कलाकार भिम चापागाँईले आफ्नो गायनकलामा उपस्थितलाई छमछमी नचाउनु भएको थियो ।साथमा उषा त्रिपाठी, एलिना चापागाँई, अदिति भण्डारी, सुवाना केसी , सभ्यता भट्टराईले मीठो नृत्य प्रस्तुत गर्नु भएको थियो । पन्चेबाजा समूहको मीठो प्रस्तुतिले कार्यक्रम मनोरंजनमय भएको थियो । कार्यक्रममा बिगों चिठ्ठा कार्यक्रमले थप रोमान्चक बनाएको थियो ।
