नेपाल अमेरिका पत्रकार संघ ( नेजा)ले टेक्ससको अर्भिङ्गमा वृक्षारोपण गरेको छ । आफ्नो पहिलो स्थापना दिवश मनाईरहेको नेजाले सोमबार अर्भिङ शहरमा अवस्थित जेफरसन पार्कमा वृक्षारोपण गरेको हो । लायन्स ईन्टरनेशनल डिस्ट्रिक 2X1 संगको सहकार्यमा आयोजित बृक्षरोपण कार्यक्रम (नेजा)को स्थापना दिवससंगै पृथ्वी दिवस र डलास एभरेष्ट लायन्स क्लब डे को अवसर पारेर आयोजना गरिएको हो ।
कार्यक्रममा नेजा संवद्ध टेक्ससका संचारकर्मी तथा नेपाली समुदाय संवद्ध विभिन्न संघसंस्थाका प्रतिनिधिहरुको उपस्थिती रहेको थियो ।पहिलो स्थापना दिवश मनाएको बृक्षरोपण कार्यक्रम सफलतापूर्वक सम्पन्न गरेको नेजाले कार्यक्रम सहफलताका लागि सहयोग पुर्याउने सबैप्रति हार्दिकता प्रकट गरेको छ ।
यस विषयमा जानकारी दिंदै नेजा अध्यक्ष सुरज भण्डारीले सहकार्यका लागि लायन्स ईन्टरनेशनल डिष्ट्रिक्ट द्दह्ज्ञ , डलास एभरेष्ट लायन्स क्लब तथा टेक्ससको डलासर फोट वर्थ क्षेत्रमा रहेका डलास बुद्व लायन्स क्लब, डलास डेन्टन नेपलिज लायन्स क्लब, डलास एभरेष्ट लियो क्लब, डलास हेल्थ लायन्स क्लब, डलास लुम्बिनी लायन्स क्लब,डलास पोखरा लायन्स क्लब, अर्भिङ एभरेष्ट सेन्टिनियल लायन्स क्लब, अर्भिङ आइएनडिपि लायन्स क्लब र प्लानो कोलिन्स लायन्स क्लबलाई धन्यवाद व्यक्त गरेका छन् ।
शनिवार टेक्ससको युलेशमा रक्तदान कार्यक्रमको आयोजना गरि पहिलो पटक आफ्नो स्थापना दिवश मनाएको नेजा संवद्ध विभिन्न राज्यहरुमा शुभकामना आदानप्रदान कार्यक्रमहरु पनि हुँदै आएका छन् ।
