टेक्सास, अमेरिका
नेपाली समाज टेक्सासद्वारा सन्चालित नेपाली ग्लोबल पाठशालाबाट आईतबार एक सय बढी बिद्यार्थीहरु दीक्षित भएका छन । पाठशालाले बसन्त ऋतु शत्रको लागि सन्चालन गरेको कक्षामा भौतिक तथा अनलाईन गरि एक सय बढी बिद्यार्थीहरु सहभागि भएका थिए ।
नेपाली ग्लोबल पाठशालाले नेपाली सांस्कृतिक तथा आध्यात्मिक केन्द्र (पशुपतिनाथ मन्दिर तथा बौद्ध बिहार) को सभाकक्षमा आईतबार आयोजना गरिएको दीक्षान्त समारोहमा युलेस सिटी काउन्सिलका सदस्य टीका पौडेलले दीक्षित विद्यार्थीहरूलाइ प्रमाणपत्र वितरण गर्नु भएको थियो ।
नेपाली समाज टेक्सासका महासचिब सन्देश उप्रेतीले शुभारम्भ गर्नु भएको दीक्षान्त समारोहमा बोल्ने बिद्यार्थीहरुले आफुहरु अमेरिकामा जन्मे हुर्के पनि पाठशालाबाट नेपाल र नेपाली भाषा, सँस्कृति तथा सँस्कारको वारेमा जानकारी हासिल गरेको बताएका थिए । कार्यक्रममा बालबालिकाहरुले आफ्नो बिविध प्रतिभाहरु प्रस्तुत गर्नुका साथै आफुहरुलाई नेपाल र नेपाली समाजको वारेमा थप जान्न रुचि भएकाले स्तरीय कक्षाहरु सन्चालन गर्न बिद्यार्थीहरुको सुझाव थियो ।
बसन्त ऋतु शत्रको लागि सन्चालन गरिएको कक्षामा मुख्यगरि बालबालिकाहरुलाई नृत्य, कम्प्युटर कोडिङ, योगा, पब्लिक स्पिकिङका साथै नेपाली भाषा, धर्म संस्कृति तथा संस्कारका बारेमा केन्द्रित रहेर कक्षाहरु सन्चालन गरिएको प्रिन्सिपल पशुपति तिमिल्सिनाले जानकारी दिनु भयो ।
कार्यक्रममा नेपाली समाजका अध्यक्ष राजेन्द्र वाग्ले, नेपाली सांस्कृतिक तथा आध्यात्मिक केन्द्रका बोर्ड अफ ट्रष्टीका अध्यक्ष रमेश पोखरेल, कार्यसमितिकी अध्यक्ष सीता सापकोटा लगायतका बक्ताहरुले अमेरिकामा जन्मेका र हुर्केका बालबालिकाहरुले भविष्यमा नेपाली समुदायको नेतृत्व गर्ने भएकाले उनीहरुलाई नेपाली भाषा, नेपाली समाज, कला, सँस्कृति, संस्कारको वारेमा पूर्ण जानकारी दिनु पर्ने आबश्यकता औंल्याउनु भएको थियो ।
दीक्षान्त समारोहमा नेपाली ग्लोवल पाठशालाका सँयोजक भोजबहादुर बलायरले पाठशालाबाट ग्लोेवल रुपमा नेपाली समुदायका बालबालिकाहरु लाभान्वित भईरहेकाले यसलाई अझ प्रभावकारी बनाउन नेपाली समुदायको सल्लाह, सुझाव र सहयोग आबश्यक रहेको धारणा ब्यक्त गर्नु भयो । शिक्षिका भगवती पौडेलले पाठशालामा पठनपाठन हुने बिषयबस्तुका सार्थ आगामी सन्चालन हुने कक्षाको वारेमा जानकारी गराउनु भएको थियो ।
यसैगरि नेपाली ग्लोवल पाठशालामा आउँदो जुलाई २२ देखि ३० तारिकसम्म समर क्याम्प कक्षा सञ्चालन हुने भएको छ । नेपाली समाज टेक्ससले हरेक बर्ष समरको समयमा बालबालिकाहरुका लागि सन्चालन गर्ने समर क्याम्प( सिग्नेचर प्रोग्राम ) मा आफ्ना वालवालिकाहरुलाई भर्ना गर्न नेपाली समुदायलाई आग्रह समेत गरेको छ ।
