नेपाल अमेरिका पत्रकार संघ(नेजा) को १७औं साधारण सभाको मिति नजिकिदैं गर्दा तयारीलाई पनि तिव्रता दिईएको छ । आयोजक समितिले अमेरिकाको ऐतिहासिक सहर बोस्टनमा यहि मे २५ तारिक शनिवारबाट सुरु हुने नेजाको १७ औं साधारण सभा केन्द्रित गतिविधिलाई थप तिव्रता दिएको हो ।
बोस्टन स्थित ‘पशुपतिनाथ बुद्ध फाउण्डेशन अफ न्यू इङल्याण्डको भवनमा हुने साधारण सभामा उपस्थित हुन चाहनेहरुका लागि अनलाईन रजिष्ट्रेशन फर्म खुल्ला गरेको नेजाले मे १७ तारिकलाई फर्मको अन्तिम समयसिमा तोकेको छ । अर्थात सहभागिले अमेरिकी समय अनुसार मे १७ तारिक शुुक्रबार रातको १२ बजे सम्म आफ्नो विवरण रजिष्ट्रेश गरिसक्नु पर्नेछ ।
मे २६ तारिक आईतबार समापन हुने साधारण सभामा भाग लिन चाहनेहरुका लागि संस्थाको विधानले व्यवस्था बमोजिम सहभागि ईच्छुक सदस्यहरुले तोकिएको साधारण सभाको मिति भन्दा ७ दिन अगाडि नै आफ्नो विवरण रजिष्ट्रेशन गरिसक्नु पर्ने बताईएको छ ।
रजिष्ट्रेशन फर्ममा उल्लेख भए अनुसार नेजाको १७ औ साधारण सभामा सहगागी हुन ईच्छुक एकल सदस्यलाई प्रति सदस्य १ सय ५० अमेरिकी डलर र परिवार सहितका लागि २ सय अमेरिकी डर रजिष्ट्रेशन शुल्क तोकिएको छ ।
बृहत सहभागितामुलक लक्ष्य सहितको तयारीमा रहेको नेजाले यथासिघ्र रजिष्ट्रेशन गरेर साधाण सभामा सहभागिता सुनिश्चितता गर्न सबै सदस्यहरुलाई अनुरोध गरेको ।
